Цхинвалы зӕлдфӕлындӕн управлени ӕхсӕды бӕлӕстӕ

Цхинвалы зӕлдфӕлындӕн дӕлхайад ӕхсӕды бӕлӕстӕ

27
(ранӕуӕггонд 15:42 19.07.2021)
Лыг цӕуынц хус бӕлӕстӕ ӕмӕ фӕндагон бӕрӕггӕнӕнтӕ ӕмӕ светофорты чи хъыгдары, къалиутӕ

ЦХИНВАЛ, 19 июл — Sputnik, Плиты Фатимӕ. Хуссар Ирыстоны столицӕйы уынгтыл хӕрзарӕзтады комитеты зӕлдфӕлындӕн дӕлхайад ӕхсӕды горӕты бӕлӕстӕ цӕрджыты ӕмӕ уагдӕтты куырдиаттӕм гӕсгӕ, фехъусын кодта Sputnik комитеты хистӕр Габуты Инал.

Ацы бонты бригадӕ кусы Джиоты Аланы проспектыл.

"Паддзахадон автоинспекцийы куырдиатмӕ гӕсгӕ нӕ дӕлхайады кусджытӕ ӕхсӕстой горӕты фӕндагон бӕрӕггӕнӕнтӕ ӕмӕ светофортӕ чи ӕхгӕны, ахӕм къалиутӕ. Стӕй ма горӕты цӕрджыты куырдиатмӕ гӕсгӕ ралыг кӕнынц хус къалиутӕ, цӕмӕй дымгӕйы рӕстӕджы макӕуыл ӕрхауой", - загъта Габуты Инал.

Уый ма бафтыдта, бирӕ куырдиӕттӕ сӕм ис горӕты цӕрджытӕй, фӕлӕ се 'ппӕтӕн сӕ ӕнхъарӕн сӕххӕст кӕнын сӕ бон нӕу.

"Ныр ӕхсӕдыны рӕстӕг нӕу, уымӕ гӕсгӕ ӕрмӕст тӕссагдзинад кӕцы ӕвзӕрын кӕны, ахӕм бӕлӕстӕ ӕхсӕдӕм", - балхынцъ кодта уый.

Комитет  озеленения проводит обрубку деревьев по просьбам ведомств и жителей
© Sputnik / Фатима Плиева
Цхинвалы зӕлдфӕлындӕн управлени ӕхсӕды бӕлӕстӕ
27
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16