Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

© Sputnik /  Ахизын медиабанкмæКоронавирус
Коронавирус - Sputnik Хуссар Ирыстон, 1920, 19.07.2021
Рафыссын
Фӕстаг бӕрӕггӕнӕнтӕм гӕсгӕ, республикӕйы пандемийы райдианӕй фӕстӕмӕ коронавирусӕй фӕрынчынуӕвджыты иумӕйаг нымӕц схызт 3882 онг, тӕссаг инфекцийӕ сӕнӕниз сты 3511 адӕймаджы

ЦХИНВАЛ, 19 июл - Sputnik, Гӕбӕраты Элина. Хуссар Ирыстоны коронавирусон инфекци сбӕрӕг кодтой 42 адӕймагӕн, уыдон тестытӕ сарӕзтой ивгъуыд майрӕмбоны, фехъусын кодта Sputnik республикӕйы сӕйраг санитарон дохтыр Коцты Марина.

Коцты Марина фехъусын кодта, коронавирусы аххосӕй гӕнӕн ис ногӕй кӕй бакӕной арӕнӕвӕрдтӕ - Sputnik Хуссар Ирыстон, 1920, 15.07.2021
Коцты Марина фехъусын кодта, коронавирусы аххосӕй гӕнӕн ис ногӕй кӕй бакӕной арӕнӕвӕрдтӕ

Уый банысан кодта, улӕфт бонты "Югосетпотребнадзор"-ы ПЦР-лабораторийы иртӕстытӕ кӕй нӕ арӕзтой, къуырисӕры саразгӕ тестты тыххӕй та фехъусын кӕндзысты сом райсом.

"Республикӕйы ивгъуыд майрӕмбоны сарӕзтой 264 тесты, уыдонӕй 42 радтой ӕвӕрццаг фӕстиуӕг. Медицинон хыгъдӕй иу суткӕмӕ систой 13 сӕнӕнизуӕвӕджы. Медикты хъусдарды бын ма сты 371 пациенты", - загъта Коцты Марина.

Цӕстдардон уагдоны ПРЦ-лабораторийы инфекцион низы фӕзындӕй фӕстӕмӕ сарӕзтой 26 259 тесты коронавирус рабӕрӕг кӕныны фӕдыл, уыдонӕй низы уӕвынад равдыстой 3882. Тӕссаг инфекцийӕ сӕнӕниз сты 3511 адӕймаджы.

Хуссар Ирыстоны фылдӕр кӕны коронавирусӕй рынчынкӕнынад, республикӕмӕ ӕрцыд COVID-19-ы дыккаг уылӕн. Оперативон штабы скъуыддзагмӕ гӕсгӕ, алкӕцы уагдоны дӕр рекомендаци кӕнынц сӕвӕрын "бахизӕн фильтр" тӕвд барынимӕ, бакӕнын маскӕты ӕмӕ дезинфекцион режим. Афтӕ ма хистӕртӕн куыстӕй ссӕрибар кӕныны бар ис ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Ног хабӕртты лентӕ
0