Дудар Хаханов ӕмӕ Тугъанты Махарбег

Национ банк сӕнусон кодта згъӕрӕхцайы дыууӕ номдзыд юбиляры нӕмттӕ аивады фадыгӕй

77
(ранӕуӕггонд 13:22 21.07.2021)
Хуссар Ирыстоны историйы нывкӕнынад ӕмӕ музыкӕйӕ фадгуытӕй Хаханов Дудар ӕмӕ Тугъанты Махарбег суыдзысты фыццӕгтӕ, кӕцытӕн сӕ нӕмттӕ сӕнусон кӕндзысты згъӕрӕхцайы

ЦХИНВАЛ, 20 июл — Sputnik, Плиты Фатимӕ. Хуссар Ирыстоны национ банк уадзы дыууӕ юбилейон згъӕрӕхцайы. Згъӕрӕхцайы сӕнусон кӕндзысты Тугъанты Махарбег ӕмӕ Хаханов Дудары нӕмттӕ, фехъусын кодта Sputnik банчы разамонӕг Джиоты Жанна.

Зындгонд музыкант, композитор ӕмӕ Уӕрӕсейы аивӕдты сгуыхт кусӕг Хаханов Дудары хуызисттимӕ згъӕрӕхцатӕ сты цӕттӕ ӕмӕ тагъд рӕстӕджы хӕццӕ кӕндзысты Цхинвалмӕ. Дыккаг - Тугъанты Махарбеджы згъӕрӕхца дӕр уыдзӕн ацы аз.

"Фыццаг нывгӕнджытӕй сӕнусон кодтам адӕмон нывгӕнӕг Тугъанты Махарбеджы ном, уымӕн ацы аз Хуссар Ирыстоны нысан кӕнынц йӕ райгуырӕн боныл 140 азы сӕххӕст. Аивады фадыджы дыккаг юбиляр та у номдзыд музыкант Хаханов Дудары, ууыл ацы аз сӕххӕст уыдаид 100 азы", - загъта уагдоны хистӕр.

Уый ма бафтыдта, ӕрбалӕугӕ аз уагдон фӕнд кӕны рауадзын ног юбилярты - уыдонӕй иу у Хуссар Ирыстоны столицӕ Цхинвал (262 ӕвӕрд ӕрцыд бындур) ӕмӕ Хуссар Ирыстоны паддзахадон университет.

"Уыдон фӕдыл дӕр сарӕзтам заказ",- бафтыдта уый.

Уымӕй размӕ Республикӕйы Национ банк сӕнусон кодта СФХ ӕртӕ номдзыд генералы, ахуыргонд академик  Абайты Уасойы, ирон литературон ӕвзаджы бындурӕвӕрӕг Хетӕгкаты Къостайы, рухстауӕг ӕмӕ инжинер Гаглойты Рутены, паддзахады историйы ахсджиаг цаутӕ ӕмӕ егъау кувӕндӕттӕ.

77
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16