Хуссар Иры парламенты ӕрдзырдтой донбылгӕрӕтты арендӕйы фарстыл

Хуссар Иры парламенты ӕрдзырдтой донбылгӕрӕтты арендӕйы фарстыл

16
(ранӕуӕггонд 14:32 20.07.2021)
Республикӕйы цӕрджытӕ бирӕ хатт сӕ хъус ӕрдардтой донбылгӕрон территоритты проблемӕмӕ, кӕцытӕ сӕхгӕдтой арендатортӕ

ЦХИНВАЛ, 20 июл – Sputnik, Козаты Диана. Хуссар Ирыстоны донбылгӕрон территоритӕм хъуамӕ бацӕуӕн уа алкӕцы ӕмбӕстагӕн дӕр, кӕцыты фӕнды уым баулӕфын. Ацы территориты арендӕйы фарстыл ӕрдзырдтой сӕудӕджерад, арӕзтад, транспорт, бастдзинӕдтӕ ӕмӕ ӕрдзон ресурсты фӕдыл парламентон комитеты рабадтыл, хъусын кӕны парламенты пресс-службӕ.

Ацы темӕйы фӕдыл республикӕйы къухдариуӕгадмӕ бирӕ хатт бадзырдтой районты цӕрджытӕ. Цалдӕр азы размӕ ацы фарст фӕзынд Цхинвалы районы, цы ран Дменисы хъӕуы цӕрджытӕ хъаст кодтой, арендатортӕ кӕй сӕхгӕдтой Чысыл Леуахимӕ бацӕуӕн.

"Донбылгӕрӕтты цур территоримӕ бацӕуыны фадат, бынӕттон цӕрджыты хъуыдымӕ гӕсгӕ, хъуамӕ уа алкӕмӕндӕр. Зӕххы фадгуыты арендатортӕ ӕмӕ амалиуӕггӕнджытӕ хъуамӕ ӕмбарой, кӕцы территори райсыны бар сын ис", - загъта комитеты сӕргълӕууӕг Ӕлборты Алан.

Йӕ ныхӕстӕм гӕсгӕ хъӕуы саразын уагӕвӕрд, кӕцы бӕрӕг кӕндзӕн донбылгӕрон территориты арӕнтӕ.

Ӕлборты Алан банысан кодта, уый фыццаг хъӕуы саразын иу районы.

Уый банхъардта районы разамонджытӕм сбӕрӕг кӕнын ӕмӕ снысан кӕнын картӕйыл бынӕттӕ, цы ран адӕмӕн фӕзыны проблемӕтӕ донбылгӕрӕтты баулӕфынимӕ, цӕмӕй уагӕвӕрды банысан кӕной территори, кӕцымӕ бацӕуыны фадат уа алкӕмӕндӕр.

Комитеты уӕнгтӕ аскъуыддзаг кодтой ауадзын ноджы иу рабадт ацы фарсты фӕдыл.

16
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

8
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

8
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

13
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

13