Цхинвал

Хуссар Иры МХМ радзырдтой, куыд арӕзт цӕудзӕн Цхинвалы проект "Ӕдас горӕт"

11
Комплексон автоматизацигонд информацион системӕ арӕзт цӕуы, цӕмӕй райтынг кӕной фӕндагон змӕлды ӕдасдзинад

ЦХИНВАЛ, 21 июл — Sputnik, Хъуылымбегты Азӕмӕт. Хуссар Ирыстоны фӕстаг рӕстӕджы фӕфылдӕр автотранспорты нымӕц, уый фӕстиуӕгӕн арӕхдӕр ӕрцӕуынц фӕндагон-транспортон цаутӕ (ФТЦ). Уый фӕдыл аскъуыддзаг кодтой саразын проект "Ӕдас горӕт", фехъусын кодта Sputnik республикӕйы МХМ ӕхсӕнадон фӕтк хъахъхъӕныны дӕлхайады хистӕр, милицийы булкъон Гаглойты Маирбег.

Гаглойты Маирбег банысан кодта, ацы проекты сӕйраг нысаниуӕг у фӕфылдӕр кӕнын ӕсхӕнадон фӕткы ӕдасдзинад видеоцӕстдарды камерӕты руаджы.

"Ацы камерӕтӕй мах исдзыстӕм информаци фӕткхӕлдты тыххӕй. Цӕвиттонӕн, шофыр светофоры сырх рухсыл куы аскъӕра, уӕд камерӕ уый сбӕрӕг кӕндзӕн, хӕдтулгӕйы адресмӕ та ӕрвыст ӕрцӕудзӕн фыстӕг фехӕлды бӕлвырдгӕнӕнимӕ", - загъта уый.

Гаглойты Маирбеджы ныхӕстӕм гӕсгӕ, камерӕтӕ сӕвӕрынӕн фӕхуыдтой нардуатон организаци Уӕрӕсейӕ. "Ӕдас горӕт" фидӕны аххӕссдзӕн ӕппӕт республикӕйыл.

"Хуссар Ирыстоны алкӕцы районы дӕр сӕххӕст кӕндзысты ацы проект. Уӕрӕсейаг специалисттӕ дыууӕ хатт уыдысты республикӕйы камерӕты бынӕттӕ снысан кӕнынӕн. Уыдзӕн дзы камерӕты цалдӕр хуызы, кӕцытӕ бӕрӕг кӕндзысты алыгъуызон фӕткхӕлдтӕ", - бахахх кодта дӕлхайады хистӕр.

Гаглойты Маирбег ма банысан кодта, проект арӕзт кӕй цӕудзӕн ӕртӕ этапы ӕмӕ фидӕн азы хъуамӕ скуса ӕххӕст гуырахстӕй. Ныртӕккӕ Хуссар Ирыстонмӕ ӕрластой сервертӕ "Ӕдас горӕтӕн".

"2021 азы сентябры специалисттӕ ногӕй хъуамӕ ӕрцӕуой Хуссар Ирыстонмӕ монтажон куыстыты тыххӕй. Камерӕтӕ сӕвӕрдзысты столицӕйы цыппар сӕйраг алвӕндагыл. Хӕдтулгӕты тагъддзинад бӕрӕг кӕныны фӕдыл 16 камерӕйы сӕвӕрдзысты горӕты, трассӕты ӕмӕ стационарон постыты. 14 куполон камерӕ та сӕвӕрдзысты бирӕ адӕм кӕм ӕмбырд кӕны, ахӕм бынӕтты – уыдон кусдзысты ӕхсӕвы дӕр", - радзырдта уый.

Гаглойты Маирбег бафтыдта, зӕгъгӕ, Паддзахадон автоинспекцийы цур сараздзысты "Административон фӕткхӕлдты автоматикон фиксакцийы центр".

Комплексон автоматизацигонд информацион системӕ арӕзт цӕуы, цӕмӕй райтынг кӕной фӕндагон змӕлды ӕдасдзинад. Йӕ арӕзтадмӕ Хуссар Ирыстоны бавнӕлдтой цалдӕр азы размӕ.

11
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

10
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

10
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

16
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

16