Хъодалаты Мария

Ис дзы бирӕ хӕрзиуӕг ӕмӕ позитив: Хъодалаты Марияйӕн рацӕудзӕн ног зарӕг

30
(ранӕуӕггонд 10:16 27.07.2021)
Зарӕг музыкалон фӕзуӕттыл рацӕудзӕн 30 июлы. Композици суыдзӕн цыппӕрӕм Джиоты Любаимӕ сӕ иумӕйаг альбом "Хурӕн зарыд мӕй"-йӕ

ЦХИНВАЛ, 26 июл — Sputnik, Хъуылымбегты Зӕлинӕ. Хуссарирыстойнаг зарӕггӕнӕг Хъодалаты Мария рахӕсдзӕн йӕ табугӕнджыты размӕ ног зарӕг "Хурӕн зарыд мӕй". Зарӕггӕнӕг Sputnik куыд фехъусын кодта, афтӕмӕй зарӕг ӕппӕт музыкалон фӕзуӕттыл дӕр рацӕудзӕн 30 июлы.

"Кӕмӕдӕрты чизоны афтӕ фӕкӕса, ӕмӕ ӕнкъард зарӕг у, фӕлӕ йӕм дзӕбӕх куы байхъусай, уӕд дзы ис бирӕ хӕрзиуӕг ӕмӕ позитив. Куы зарын ацы зарӕг, уӕд мӕм ӕрмӕстдӕр ахӕм ӕнкъарӕнтӕ сӕвзӕры", - банысан кодта Мария.

Йӕ ныхӕстӕм гӕсгӕ, зарӕджы дзырд цӕуы адӕймагӕн йӕ царды нысӕнтты тыххӕй, уый та, йӕ хъуыдымӕ гӕсгӕ, тынг ахсджиаг у.

Зарӕггӕнӕг ма бахахх кодта, композици суыдзӕн цыппӕрӕм Джиоты Любаимӕ сӕ иумӕйаг альбом "Хурӕн зарыд мӕй"-йӕ. Альбомы ӕдӕппӕт уыдзӕн аст зарӕджы.

"Зарӕг дӕр, куыд ӕнӕхъӕн альбом, нывонд у уарзондзинадӕн", - бафтыдта уый.

Хъодалаты Мария – ирон ӕмӕ уырыссаг ӕвзӕгтыл зарджытӕ ӕмӕ ӕмдзӕвгӕты автор. Цалдӕр азы размӕ ӕвзонг зарӕггӕнӕг ныффыста йӕ фыццаг клип "Ӕз бузныг дӕн" зарӕгмӕ. Уый ӕрхаста Марияйӕн канд Хуссар Ир ӕмӕ Цӕгат Иры нӕ, фӕлӕ ма фӕсарӕйнаг хъусджыты уарзондзинад дӕр.

30
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

5
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

5