Цхинвалы ацыд Бибылты Анатолий ӕмӕ Рашид Нургалиевы фембӕлд

Цхинвалы ацыд Бибылты Анатолий ӕмӕ Рашид Нургалиевы фембӕлд

18
(ранӕуӕггонд 13:56 26.07.2021)
Уӕрӕсейы Ӕдасдзинады Советы секретары хӕдивӕг ис кусӕгон балцы Хуссар Ирыстоны. Республикӕйы президентимӕ иумӕ уый хайад райста РХИ ӕмӕ РЦИ-А дыууӕварсон комитеты рабадты скъуыддзаг бафыссыны церемонийы

ЦХИНВАЛ, 26 июл - Sputnik. Уӕрӕсейы Ӕдасдзинады Советы секретары хӕдивӕг Рашид Нургалиев ӕрцыд кусӕгон балцы Хуссар Ирыстонмӕ, къуырисӕры уый фембӕлд президент Бибылты Анатолийимӕ, хъусы кӕны бӕстӕйы сӕргълӕууӕджы пресс-службӕ.

В Цхинвале прошла встреча Анатолия Бибилова с Рашидом Нургалиевым
© Пресс-служба президента РЮО
Цхинвалы ацыд Бибылты Анатолий ӕмӕ Рашид Нургалиевы фембӕлд

Президент бузныг загъта уазӕгӕн ӕмӕ банысан кодта, республикӕйы къухдариуӕгад уӕрӕсейаг фарсы ӕххуысӕй кӕй аразы ӕппӕт дӕр, цӕмӕй Хуссар Ирыстоны территорийыл цӕрынӕн уа хӕрзвадӕттӕ.

"Ам ма хъӕуы банысан кӕнын республикӕйы ӕмбӕстӕгтӕн сӕ мыздтыл схӕцыны скъуыддзаг, кӕцы райстӕуыд УФ президент Владимир Путинимӕ фембӕлды рӕстӕджы. Уыдӕттӕ иууылдӕр ахъаз сты иумӕйагӕй республикӕйы уавӕр ӕрнывыл кӕнынӕн", - банысан кодта уый.

Уыимӕ ма Бибылты Анатолий банысан кодта, гомӕй кӕй баззад "погонтимӕ адӕмы" мыздты фӕфылдӕр кӕныны фарст.

"Ацы категоримӕ хауынц ӕмбӕстӕгтӕ, кӕцытӕ кусынц Паддзахадон ӕдасдзинады комитеты, Таможнӕйон службӕйы, УУМ, прокуратурӕ ӕмӕ къорд ӕндӕр уагдӕтты, ӕмӕ сӕ мызд нӕу Цӕга-Кавказаг федералон зылды ӕмвӕзадыл", - ранымадта уый ӕмӕ бахатыд ацы фарст хъусдардмӕ райсын.

В Цхинвале прошла встреча Анатолия Бибилова с Рашидом Нургалиевым
© Пресс-служба президента РЮО
Цхинвалы ацыд Бибылты Анатолий ӕмӕ Рашид Нургалиевы фембӕлд

Афтӕ ма фембӕлды рӕстӕджы бӕстӕйы сӕргълӕууӕг радзырдта ӕртӕ ацы дӕргъы Инвестицион нывӕзты ӕнтыстджын реализацийы тыххӕй.

Президент ма хъусдард аздӕхта коронавирусы пандемийы фӕдыл вазыгджын уавӕрмӕ ӕмӕ банысан кодта, республикӕйы алы ӕмбӕстагӕн дӕр кӕй ис фадат саразын уӕрӕсейаг вакцинӕ "Спутник V".

Рашид Нургалиев банысан кодта, йӕ балцы рӕстӕджы сӕм кӕй ӕнхъӕлмӕ кӕсы бирӕ куыст. Фыццаг рады бафыст ӕрцӕудзӕн бадзырд МХМ къабазы, "кӕцы ахъаз уыдзӕн информаци дих кӕнын, цӕсгӕмттыл кусын ӕмӕ фыдракӕндтӕ иуварс кӕнынӕн".

Подписание решения двустороннего комитета МВД РЮО и РСО-Алания
© Пресс-служба президента РЮО
Цхинвалы ацыд Бибылты Анатолий ӕмӕ Рашид Нургалиевы фембӕлд

Фӕмбӕлды кӕрон Бибылты Анатолий ӕмӕРашид Нургалиев фӕуазӕг сты РХИ ӕмӕ РЦИ-А дыууӕварсон комитеты рабадты скъуыддзаг бафыссыны церемонимӕ. Хуссар Ирыстоны фарсӕрдыгӕй бадзырдыл йӕ къухфыст ӕрӕвӕрдта МХМ сӕргълӕууӕджы х.ӕ. Пухаты Мераб, цӕгатирыстойнаг фарсӕрдыгӕй та РЦИ-А мидхъуыддӕгты министр Михаил Скоков.

18
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3