Хицауад

Хуссар Иры фæфылдæр ис фæцæрыны минимум

10
(ранӕуӕггонд 10:12 03.08.2021)
Хицауад сфидар кодта 2021 азы дыккаг кварталы фæцæрыны минимумы бæрц хæлцады продуктты фæфылдæр хынцгæйæ

ЦХИНВАЛ, 3 авг - Sputnik. Хуссар Ирыстоны фæфылдæр кодтой фæцæрыны минимумы бæрц 2021 азы дыккаг кварталы, хъусын кæны хицауады пресс-службæ.

"Уагæвæрды проектмæ гæсгæ, фæцæрыны минимум иу адæймагæн 2021 азы дыккаг кварталы ссис 12 411 сомы, социалон-демографион къордтæм гæсгæ: куыстхъом адæмæн -13 242 сомы; пенсионертæн – 10 066 сомы; сабитæн -13 262 сомы", - дзырдæуы хъусинаджы.

Пресс-службæйы банысан кодтой, ивгъуыд кварталы бæрæггæнæнтæм гæсгæ фæцæрыны минимумы бæрц фæфылдæр ис 404 (3,36 %); куыстхъом адæмæн –300 сомы (2,32 %); пенсионертæн –260 сомы (2,65 %); сабитæн – 266 сомы (2,05 %).

Бæрæггæнæнты фæфылдæр баст у хæлцадон продуктты æргъты змæлдимæ, бафтыдтой хицауады.

Рабадты рæстæджы ивындзинæдтæ хаст æрцыд "2021 азмæ Республикæ Хуссар Ирыстоны паддзахадон бюджеты фæдыл" законмæ.

Уымæй дарддæр хицауады уæнгтæ рахастой фæндон Хуссар Ирыстоны Пенсион фонды ном раивын Хуссар Ирыстоны Социалон фондмæ.

10
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

5
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

5