Шавердаты Марат

Прокуратурӕйы раздӕры фӕдагурӕджы снысан кодтой Знауыры районы сӕргълӕууӕджы хӕдивӕгӕй

6
(ранӕуӕггонд 11:02 03.08.2021)
Шавердаты Марат 20 азы дӕргъы службӕ кодта республикӕйы мидхъуыддӕгты органты, уый фӕстӕ та прокуратурӕйы органты

ЦХИНВАЛ, 3 авг – Sputnik, Козаты Диана. Хуссар Ирыстоны хицауад снысан кодта Шавердаты Мараты Знауыры районы администрацийы сӕргълӕууӕджы хӕдивӕджы бынатмӕ, хъусын кӕны министрты кабинеты пресс-службӕ.

Уый размӕ Шавердаты Марат уыд Цхинвалы районы мидхъуыддӕгты хайады ӕнахъомты фӕдыл хайады хистӕр.

"Знауыры районы сӕргълӕууӕг Сиукъаты Олег банысан кодта, Шавердаты Марат кӕй у Знауыры районӕй рацӕугӕ, бирӕ рӕстӕг куыста бынӕттон мидхъуыддӕгты органты ӕмӕ зонгӕ у бынӕттон спецификаимӕ", - банысан кодтой пресс-службӕйы.

Хицауады сӕрдар Бекъойты Геннадий раарфӕ кодта Шавердаты Маратӕн ӕмӕ йын йӕ цӕст бауарзта ӕнтыстджын куыст.

Районы сӕргълӕууӕджы ног хӕдивӕг загъта бузныг хицауадӕн ӕууӕнчы тыххӕй ӕмӕ фидарӕй загъта, йӕ зонындзинӕдтӕ ӕмӕ фӕлтӕрддзинадӕй кӕй пайда кӕндзӕн, цӕмӕй фӕхуыздӕр кӕна районы цӕрджыты цард.

Биографион справкӕ

Шавердаты Викторы фырт Марат райгуырд 1974 азы Республикӕ Хуссар Ирыстоны Знауыры районы Бехъмары хъӕуы.

Ахуырад: Паддзахадон хӕххон аграрон университет, квалификаци: агроном, дӕсниад: агрономи (1997 аз).

Нырыккон гуманитарон университет, дӕсниад: юриспруденци (2000 аз).

Уӕрӕсейы Федерацийы Фӕдагуырды комитеты Мӕскуыйаг академи, квалификаци фӕбӕрзонддӕр кӕныны программӕ (2017 аз).

Куысты фӕлтӕрддзинад: Хуссар Ирыстоны мидхъуыддӕгты органты службӕ (1995 – 2003 азы); республикӕйы прокуратурӕйы службӕ, бынат: Знауыры районы прокуратурӕйы фӕдагурӕг (2003 – 2020 аз); республикӕйы мидхъуыддӕгты органты службӕ, бынат: Цхинвалы районы мидхъуыддӕгты хайады ӕнахъомты фӕдыл хайады хистӕр (06.2020 – 11.2020).

Хорзӕхтӕ: РХИ прокуратурӕйы кады грамотӕ (2016 аз), Уӕрӕсейы Федерацийы Фӕдагуырды комитеты Мӕскуыйаг академийы грамотӕ (2017 аз), РХИ кады грамотӕ (2018 аз), майдан "РХИ Прокуратурӕйы ветеран" (2020 аз).

6
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3