Хуссар Иры ЦӔК

Хуссар Иры парламент сфидар кодта ЦӔК ног сконд

11
(ранӕуӕггонд 16:13 04.08.2021)
ЦӔК ног скондмӕ бахызтысты фӕйнӕ авд минӕвары президент ӕмӕ парламентӕй

ЦХИНВАЛ, 4 авг – Sputnik, Козаты Диана. Парламенты депутаттӕ сфидар кодтой Централон ӕвзарӕн къамисы (ЦӔК) ног сконд.

Амӕйразмӕ президент Бибылты Анатолий снысан кодта йӕ минӕвӕртты Централон ӕвзарӕн къамисмӕ. ЦӔК ныры сконды ӕмгъуыд фӕуд кӕны 16 августы.

ЦӔК ног скондмӕ парламентӕй бахызтысты авд минӕвары: Адӕмон партийӕ – Пухаты Алан, "Адӕмы Иудзинадӕй" – Пӕррӕстаты Артур, "Иугонд Ирыстонӕй" – Годжысаты Гултамзе ӕмӕ Джиоты Фатимӕ, "Ныхас" партийӕ Гаглойты Николай, рӕстдзинады фӕдыл депутатон иугондӕй – Кокойты Тимур, Компартийӕ – Дудайты Альберт.

Амӕйразмӕ куыд хъусын кодтой, афтӕмӕй президентӕй къамисы скондмӕ бахызтысты: Аулохты Кристина, Бестауты Тамаз, Уалыты Рауль, Карсанты Хъазбег, Остъаты Дина, Цхуырбаты Марина ӕмӕ Цоциты Игорь.

ЦӔК сӕргълӕууӕг ссис Гӕджиты Эмилийы, йӕ кандидатурӕ пардаментмӕ бавдыста президент июлы.

Законмӕ гӕсгӕ, ЦӔК хъуамӕ ауадза фыццаг рабадт йӕ арӕзтадӕй дӕс боны фӕстӕ. Ацы рабадтыл хъуамӕ снысан кӕной сӕргълӕууӕджы хӕдивӕг ӕмӕ секретары.

11
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3