Цхинвалы рынчындон

Бирӕты зӕрдӕмӕ нӕ фӕцӕудзӕн: Хуссар Иры ӔХМ оргструктурӕйы реорганизацийы тыххӕй

17
Уагдоны фехъусын кодтой, мадзӕлттӕ ӕххӕст кӕй цӕуынц Фӕллойады кодексмӕ гӕсгӕ ӕмӕ уый руаджы кусджытӕ исдзысты фылдӕр мызд сӕ куысты бӕрцуатмӕ гӕсгӕ

ЦХИНВАЛ, 6 авг – Sputnik. Хуссар Ирыстоны Ӕнӕниздзинад хъахъхъӕнынады министрад фехъусын кодта оргструктурӕйы реорганизацийы тыххӕй, кӕцы ӕркӕндзӕн кадрон ивындзинӕдтӕм. Уыимӕ иумӕ уагдоны баныфсӕвӕрдтой, куыст арӕзт кӕй цӕуы Уӕрӕсейы Фӕллойады кодексмӕ гӕсгӕ (архайы Хуссар Ирыстоны территорийыл).

Бирӕ рӕстӕг министрады кӕцыдӕр кусджытӕ цалдӕр бынаты кӕй куыстой ӕмӕ сын бӕрзонд мызд кӕй уыд, уый фӕдыл къухдариуӕгад аскъуыддзаг кодта ӕркӕнын кусджыты иууылдӕр фӕллойады законады иумӕйаг нормӕмӕ, банысан кодтой Ӕнӕниздзинад хъахъхъӕнынады министрады.

"Хъыгагӕн, уый бирӕты зӕрдӕмӕ нӕ фӕцӕудзӕн, сӕ нымӕцы министрады кусджытӕ дӕр. Адӕмӕн нал уыдзӕн уӕлӕмхасӕн ӕфтиаг, мах уый ӕмбарӕм, фӕлӕ уагдоны ног политикӕ у ӕргомдзинад алкӕцы ӕмвӕзадыл дӕр", - хъусын кӕны пресс-службӕ ӕнӕниздзинад хъахъхъӕнынады министры хӕдивӕг Александр Приходькойы ныхӕстӕ.

Министры хӕдивӕг банысан кодта, уагдоны къухдариуӕгад ӕввахс рӕстӕджы кӕй нывӕнды бакӕнын фӕллойады эффективон контракттӕ, уый руаджы кусджытӕ исдзысты фылдӕр мызд сӕ куысты бӕрцуатмӕ гӕсгӕ.

"Премиты системӕйы уыдзӕн "фездӕхгӕ бастдзинад" пациенттӕй дохтырмӕ хоскӕнынады фӕдыл. Хъӕуы банысан кӕнын, реорганизацийы райдайӕнӕй йӕ бынатӕй нырма никӕй ссӕрибар кодтой. Кусджытӕн ис фадат равзарын, кӕцы бынатыл сӕ фӕнды адарддӕр кӕнын сӕ куыст", - бахахх кодта Приходько.

Уый ма бафтыдта, зӕгъгӕ, Ӕнӕниздзинад хъахъхъӕнынады министрад у организаци адӕмӕн, цы ран кад кӕнынц алкӕцы кусӕг ӕмӕ пациентӕн.

17
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3