Хицауад

Президент сфидар кодта чиновникты номхыгъд, кӕцытӕ хъуамӕ фехъусын кӕной се 'фтиӕгтӕ

18
(ранӕуӕггонд 15:41 06.08.2021)
Документ ист ӕрцыд коррупцийы ныхмӕ тохы тыххӕй. Паддзахадон службӕгӕнджытӕ республикӕйы историйы фыццаг хатт хыгъдлӕвӕрд ратдзысты сӕ ӕфтиӕгтӕ ӕмӕ се ‘мкъӕйтты мулкы тыххӕй

ЦХИНВАЛ, 6 авг - Sputnik. Хуссар Ирыстоны президент Бибылты Анатолий бафыста барамынд паддзахадон службӕйы куысты бынӕтты номхыгъды фӕдыл, кӕцытӕм исыны рӕстӕджы паддзахадон службӕгӕнджытӕ хъуамӕ бавдисой бӕрӕггӕнӕнтӕ сӕхи ӕмӕ се ‘мкъӕйтты ӕфтиӕгтӕ ӕмӕ мулкы тыххӕй. Документ ныммыхуыр кодтой республикӕйы сӕргълӕууӕджы сайтыл майрӕмбоны.

Номхыгъдмӕ бахызтысты тыхон структурӕты къухдаригад, сӕ нымӕцы МХМ, Хъахъхъӕнынады министрад, ПӔК, ӔРС, Паддзахадон хъахъхъӕнынады службӕ, Юстицийы министрад, таможнӕ, прокуратурӕ ӕмӕ УУМ.

Уымӕй дарддӕр, барамындмӕ бахаудтой бынӕттӕ, кӕцыты снысан кӕны ӕмӕ ссӕрибар кӕны президент кӕнӕ республикӕйы хицауад, афтӕ ма ӕндӕр паддзахадон службӕгӕнджытӕ, кӕцыты хӕслӕвӕрдтӕ баст сты коррупцион рисктимӕ.

Республикӕйы фарон июны райстӕуыд закон паддзахадон службӕйы фӕдыл, кӕцы хъуамӕ ӕрнывыл кӕна хицауады структурӕты куыст, афтӕ ма фадат ратдзӕн фӕфылдӕр кӕнын кусджыты мызд.

18
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3