Бибылты Анатолий схорзӕхджын кодта медиктӕ ӕмӕ волонтерты коронавирусимӕ тохы тыххӕй

Бибылты Анатолий схорзӕхджын кодта медиктӕ ӕмӕ волонтерты коронавирусимӕ тохы тыххӕй

19
(ранӕуӕггонд 15:41 06.08.2021)
Паддзахады сӕргълӕууӕг фембӕлды рӕстӕджы банысан кодта коронавирусимӕ чи тох кӕны, уыдоны хайбавӕрд, афтӕ ма ӕрсидт медиктӕм активондӕр хайад исын привикӕйы кампанийы

ЦХИНВАЛ, 6 авг - Sputnik. Президент Бибылты Анатолий фембӕлд Хуссар Ирыстоны медицинон кусджытӕ ӕмӕ волонтертимӕ, кӕцытӕ активон хайад исынц коронавирусимӕ тохы. Паддзахады сӕргълӕууӕг сын радта майдантӕ "COVID-19 пандемийимӕ тохы тыххӕй", хъусын кӕны президенты пресс-службӕ.

"Ныр дыууӕ азы ӕппӕт дунейы тох кӕнынц коронавирусимӕ. Медицинон кусджытӕй хъӕуы бӕрнон ахаст сӕ хӕслӕвӕрдтӕм, пациентты ӕмбаргӕдзинад, проблемӕтӕм хъусдард", - загъта Бибылты Анатолий фембӕлды рӕстӕджы.

Афтӕ ма президент банысан кодта коронавирусимӕ чи тох кӕны, уыдоны хайбавӕрд, афтӕ ма ӕрсидт медиктӕм активондӕр дзурын вакцинацийы пайда ӕмӕ ахсджиагдзинады тыххӕй.

"Уый у нӕ иумӕйаг бӕрндзинад. Сымах федтат уыцы зындзинӕдтӕ ӕмӕ хъуамӕ хъусын кӕнат ӕмбӕстӕгтӕн, цӕмӕй бахъахъхъӕной сӕхи ӕмӕ сӕ хиуӕтты. Статистикӕмӕ куы бакӕсӕм, уӕд нӕй гӕнӕн зӕгъын, медиктӕ активонӕй кӕй аразынц прививкӕтӕ. Сӕйраджыдӕр, хъӕуы бахъахъхъӕнын адӕмы мӕлӕтӕй. Нӕй гӕнӕн хъуыды кӕнын, ацы низӕй хи аиуварс кӕнын ис кӕй уыдзӕн фадат", - бахахх кодта президент.

Президент цӕвиттонӕн ӕрхаста Китай, цы ран вакцинаци рацыдысты миллиард адӕймагӕй фылдӕр.

19
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3