Дзӕуджыхъӕуы рынчындонмӕ Уӕлвӕткон цауы фӕстӕ ӕрластой ӕрттӕ тонны туаггуыр

Дзӕуджыхъӕуы рынчындонмӕ Уӕлвӕткон цауы фӕстӕ ӕрластой ӕрттӕ тонны туаггуыр

17
(ранӕуӕггонд 09:58 10.08.2021)
Къуырисӕры изӕры рынчындоны ӕрцыд авари туаггуыры станцыл. Уый фӕстиуӕгӕн амардысты фараст адӕймаджы

ЦХИНВАЛ, 10 авг — Sputnik. Ӕртӕ тонны туаггуыр Кӕсӕг-Балхъарӕй ӕрластой Дзӕуджыхъӕуы рынчындонмӕ, цы ран уӕлвӕткон цауы тыххӕй амардысты фараст пациенты. Уый тыххӕй хъусын кӕны РИА Новости Цӕгат Ирыстоны администрацийы пресс-службӕйыл ӕнцойгӕнгӕйӕ.

Ноджы ма иу тонны туаггуыр та арвыстой Хуссар ӕфсӕддон зылды 40-ӕм ӕфсады аэродромӕй, кӕцы ис Мӕздӕджы. Афтӕ ма республикӕмӕ ӕрласдзысты туаггуыр Ставрополь ӕмӕ Краснодарӕй.

Тагъд ӕххуысы рынчындоны къуырисӕры ӕрцыд авари туаггуыры станцыл – спырх ис зӕххы бын хӕтӕл. Амардысты фараст адӕймаджы. Регионалон Ӕнӕниздзинад хъахъхъӕнынады министрады куыд фехъусын кодта, афтӕмӕй уыдон иууылдӕр уыдысты уӕззау уавӕры. Реанимацийы ӕдӕппӕт уыдысты 71 пациенты.

Рынчындоны туаггуыры системӕйы фехӕлды тыххӕй базыдтой 18.00 сахатыл. Дзӕуджыхъӕумӕ арвыстой анезтезиологтӕ-реаниматологты къорд Ӕнӕниздзинад хъахъхъӕнынады министрады катастрофӕты медицинӕйы Федералон центрӕй. Фӕдагуырды комитет бакодта уголовон хъъуыддаг ацы уӕлвӕткон цауы фӕдыл.

17
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

5
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

5