Этнолагерь-2019

Цӕгат Иры бакӕндзысты этнолагерь. Уым хайад райсдзӕн Цхинвалы фӕсивӕд дӕр

11
(ранӕуӕггонд 10:38 11.08.2021)
Хайадисджытӕн фадат уыдзӕн базонгӕ кӕнын националон культурӕ ӕмӕ аивадимӕ, афтӕ ма архайын алыгъуызон мастер-классты

ЦХИНВАЛ, 11 авг — Sputnik, Хъуылымбегты Зӕлинӕ. Цӕгат Ирыстоны ацӕудзӕн этнографион лагерь "Аланты фӕд", форумы хайад райсынмӕ хонынц Хуссар Ирыстоны фӕсивӕды минӕвӕртты дӕр, фехъусын кодта фӕсивӕдон политикӕ ӕмӕ спорты фӕдыл комитеты сӕрдары хӕдивӕг Гатыгкоты Валентина.

Уый банысан кодта, Хуссар Ирыстонӕй этнолагеры хайад райсдзысты 10 адӕймаджы 18-ӕй 35 азы кары онг, хайадисджыты равзардзысты баныхасы форматы.

"Сӕйраг нысан у ӕрбаиу кӕнын ӕмбӕстӕгты, кӕцытӕ цӕрынц фӕсарӕнты, ирон культурӕйы традицитӕ ӕмӕ ӕгъдӕуттӕм, ӕмӕ, кӕй зӕгъын ӕй хъӕуы, ӕрбаздахын хъусдард Аланты культурон ӕмӕ историон бынтӕм", - загъта Гатыгкоты Валентина.

Сӕрдыгон культурон-ахуырадон курс райдайдзӕн 15 августы ӕмӕ адарддӕр уыдзӕн 29 августы онг. Этнолагерь райсдзӕн улӕфджыты дыууӕ къорды.

"Лагеры программӕ уыдзӕн цымыдисон. Хайадисджытӕ базонгӕ уыдзысты ирон адӕмы культурӕ ӕмӕ аивадимӕ. Афтӕ ма уыдон хайад райсдзысты алыгъуызон мастер-классты ирон уӕлибыхтӕ аразынӕй, националон кӕфтытӕ ӕмӕ вокалӕй", - бафтыдта уый.

Йӕ ныхӕстӕм гӕсгӕ, "Аланты фӕд" этнографион лагеры организатор у Цӕгат Ирыстоны националон ахастыты фарстыты фӕдыл министрад.

11
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

5
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

5