ХИПУ ӕмӕ Астраханы университеты ректортӕ ӕрдзырдтой зонадон-техникон ӕмгуыстадыл

ХИПУ ӕмӕ Астраханы университеты ректортӕ ӕрдзырдтой зонадон-техникон ӕмгуыстадыл

12
(ранӕуӕггонд 11:27 11.08.2021)
Цхинвалы делегаци уыд университеты цалдӕр локацийы, сӕ нымӕцы физико-математикон институты ӕмӕ мультимедиаконтент саразыны фӕдыл коллективон пайдакӕнынады центры

ЦХИНВАЛ, 10 авг – Sputnik, Гӕбӕраты Элина. Астраханы паддзахадон университетмӕ ӕрцыд Хуссар Ирыстоны университеты делегаци ректор Тедеты Вадимы сӕргълӕудӕй, хъусын кӕны Астраханы университеты пресс-службӕ.

Уазджытыл фембӕлд райдыдта экскурсийӕ ӕмӕ адарддӕр ис рабадтӕй Астраханы паддзахадон университеты къухдариуӕгадимӕ.

"Университеты уазджытӕн фенын кодтой ахуырдзауты бакуысттӕ робототехникӕйы фадыджы. Уыдонӕн равдыстой мобилон роботтӕ, доны бын ӕмӕ тӕхӕг аппараттӕ", - хъусын кӕны пресс-службӕ.

Хуссар Ирыстоны минӕвӕрттӕ ма базыдтой адӕймаджы биомеханикӕйы иртӕстыты фадӕтты тыххӕй, афтӕ ма спортсменты цӕттӕкӕнынады фӕдыл егъау нывӕзты саразыны тыххӕй.

ЮОГУ и Астраханский госуниверситет налаживают взаимодействие
Пресс-служба АГУ
ХИПУ ӕмӕ Астраханы университеты ректортӕ ӕрдзырдтой зонадон-техникон ӕмгуыстадыл

"Хуссар Ирыстоны паддзахадон университеты минӕвӕрттӕ базонгӕ сты нырыккон ифтонггарзимӕ. Экскурсийы кӕрон хуссарирыстойнаг делегаци фембӕлд Астраханы паддзахадон университеты къухдариуӕгадимӕ. Фембӕлды рӕстӕджы ӕрныхас кодтой дыууӕ ахуырадон уагдоны ӕмархайдыл", - дзырдӕуы хъусинаджы.

ЮОГУ и Астраханский госуниверситет налаживают взаимодействие
Пресс-служба АГУ
ХИПУ ӕмӕ Астраханы университеты ректортӕ ӕрдзырдтой зонадон-техникон ӕмгуыстадыл

Астраханы университеты ректор равдыста цӕттӕдзинад дыууӕ ахуыргӕнӕндоны ӕмгуыстады.

"Мах фӕнды, цӕмӕй университетты кусджытӕ хайад исой квалификаци фӕбӕрзонддӕр кӕныны программӕты ӕмӕ студенттӕ та райтынг кӕной академион мобилондзинад. Ахсджиаг у зонадон-техникон ӕмархайд дӕр, сӕйраджыдӕр, иумӕйаг зонадон конференцитӕ, тымбыл фынгтӕ ӕмӕ мастер-класттӕ уадзын, - хъусын кӕны пресс-службӕ ректор Константин Маргеловы ныхӕстӕ.

Хуссар Ирыстоны паддзахадон университеты ректор бузныг загъта Астраханы паддзахадон университеты къухдариуӕгадӕн цымыдисон экскурсийы тыххӕй ӕмӕ банысан кодта Астраханы университеты бӕрзонд зонадон ӕмӕ ахуырадон потенциал.

12
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

5
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

5