Бестауты Андрей

Хуссар Иры спортсментӕ хайад райсдзысты дунейы чемпионаты ӕрыгӕтты хсӕн

23
(ранӕуӕггонд 10:20 12.08.2021)
Дунейы чемпионат райдайдзӕн 16 августы Уфайы, егъау ерыстӕ ӕрӕмбырд кӕндзысты дунейы 54 бӕстӕйы тыхджындӕр богалты

ЦХИНВАЛ, 12 авг — Sputnik, Хъуылымбегты Зӕлинӕ. Дыууӕ хуссарирыстойнаг спортсмены – Бестауты Андрей ӕмӕ Дзӕгъиаты Сослан – хайад райсдзысты дунейы чемпионаты уӕгъдибар хъӕбысхӕстӕй ӕрыгӕтты хсӕн, фехъусын кодта Sputnik тренер Коцты Тамерлан.

Егъау спортивон мадзал ацӕудзӕн горӕт Уфайы 16-18 августы ӕмӕ ӕрӕмбырд кӕндзӕн хайадисджыты дунейы 54 бӕстӕйӕ.

"Бестауты Андрей хайад райсдзӕн 125 килограммы уӕзы категорийы, Дзӕгъиаты Сослан та 97 килограммы онг. Ныртӕккӕ спортсментӕн уагъд цӕуынц тренировкӕтӕ Сочийы, уыдон ӕнхъӕлмӕ кӕсынц ӕрмӕстдӕр уӕлахизмӕ", - банысан кодта Коцты Тамерлан.

Дунейы чемпионаты уӕгъдибар хъӕбысхӕстӕй ӕрыгӕтты хсӕн Уфайы сӕ хъус дардзысты 2024 азы Олимпиаг хъӕзтыты потенциалон хайадисджытӕм.

Сослан Джагаев
© Sputnik / Наталья Айриян
Дзӕгъиаты Сослан
23
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3