Хуссар Иры æфсæддонтæ ныццыдысты Новосибирскмæ АрМИ – 2021 хайад исынмæ

Хуссар Иры æфсæддонтæ ныццыдысты Новосибирскмæ АрМИ 2021 хайад исынмæ

19
(ранӕуӕггонд 16:46 13.08.2021)
Хуссар Ирыстоны хъахъхъæнынады министрады командæтæ хайад райсдзысты Ӕхсæнадæмон æфсæддон хъæзтыты 22 августæй 4 сентябрьмæ

ЦХИНВАЛ, 13 авг - Sputnik. Хуссар Ирыстоны хъахъхъæнынады министрады сæрмагонд нысаниуæджы къорды командæ ныццыд Новороссийскмæ Ӕхсæнадæмон æфсæддон хъæзтыты конкурс "Отличники войсковой разведки"-мæ, хъусын кæны уагдоны пресс-службæ.

"Уæрæсейаг фарс райста Хуссар Ирыстоны делегацийы национ традицитæм гæсгæ. Айзæлдысты Республика Хуссар Ирыстон æмæ Уæрæсейы паддзахадон гимнтæ", - дзырдæуы хъусинаджы.

Ӕфсæддонтæ æрбынат кодтой Новосибирскы уæлдæр æфсæддон командон ахуыргæнæндоны комплексы, цы ран сæ бæстон базонгæ кæндзысты конкурсы лыстæгдзинæдтимæ. Ног къуыри та райдайдзысты ерыстæм цæттæ кæнын, бафтыдтой Хъахъхъæнынады министрады.

Конкурсы æхсæнадæмон этап "Отличники войсковой разведки" ацæудзæн 22 августæй 4 сентябрьмæ Новосибирскы Новосибирскы уæлдæр æфсæддон командон ахуыргæнæндоны.

Спецназ Южной Осетии прибыл в Новосибирск для участия в АрМИ – 2021
Пресс-служба Минобороны РЮО
Хуссар Иры æфсæддонтæ ныццыдысты Новосибирскмæ АрМИ – 2021 хайад исынмæ
19
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3