Танкон биатлоны

Халæппæрст сбæрæг кодта Хуссар Иры командæйы ныхмæлæуджыты "Танкон биатлоны"

14
(ранӕуӕггонд 11:59 17.08.2021)
Халæппæрсты хайад райстой 19 бæстæйы минæвæрттæ - АрМИ-2021 уæнгтæ, кæцыты адихтæ кодтой дыууæ дивизионыл

ЦХИНВАЛ, 17 авг - Sputnik. Хуссар Ирыстоны командæ АрМИ-2021 конкурс "Танкон биатлоны" дыккаг дивизионы ралæудзæн бур хуыз танкæтыл, сæ ныхмæлæуджытæ уыдзысты танкисттæ Абхаз, Катар, Киргизи, Лаос, Мали, Мьянма æмæ Таджикистанæй. Ахæм фæстиуджытæ фæбæрæг сты командæты халæппæрсты руаджы, кæцы ацыд Падмосковьейы парк "Патриот"-ы, хъусын кæны хъахъхъæнынады министрады пресс-службæ.

Ивгъуыд аз дæр Хуссар Ирыстоны Хъахъхъӕнынады министрады командӕтӕ равдыстой аккаг фӕстиуджытӕ Ӕхсӕнадӕмон ӕфсӕддон хъӕзтыты. Уӕлдай расгуыхтысты танкисттӕ "Танкон биатлон" конкурсы. Уыдон бацахстой ӕртыккаг бынат дыккаг дивизионы.

Хъусинагæй куыд бæрæг у, афтæмæй халæппæрсты хайад истой конкурсы тæрхонгæнджытæ æмæ 19 бæстæйы командæты минæвæрттæ. 2020 азы ралæудты фæстиуджытæм гæсгæ æмбырдгæндтæ дих æрцыдысты дыууæ дивизионыл.

Индивидуалон ерысты скъуыддзæгтæм гæсгæ, сараздзысты хуыздæр экипажты рейтинг. Фыццаг æртæ суыдзысты этап "Индивидуальная гонка"-йы уæлахиздзаутæ æмæ призертæ.

Ӕхсӕнадӕмон ӕфсӕддон хъӕзтытӕ "АрМИ-2021" уагъд цӕудзысты 22 августӕй 4 сентябрьмӕ Ӕхсӕнадӕмон ӕфсӕддон-техникон форум "АРМИЯ-2021" мадзӕлттимӕ иумӕ полигон "Алабино" ӕмӕ парк "Патриот"-ы. Хъӕзтытӕ ӕмӕ Форумы иумӕйаг баконд ацӕудзӕн 22 августы Конгрессон-равдыстон центр "Патриот"-ы, цы ран хайад райсдзысты Уӕрӕсейы Хъахъхъӕнынады министрады, хицауады ӕмӕ хъахъхъӕнынадон сӕудӕджерады куыстуӕтты минӕвӕрттӕ, афтӕ ма фӕсарӕйнаг делегацитӕ ӕмӕ уазджытӕ.

14
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

5
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

5