Цхинвалы иуварс кӕнынц доны хӕтӕлы авари

Доны хӕтӕлыл аварийы тыххæй Цхинвалы иу хай баззад æнæ донæй

97
(ранӕуӕггонд 12:27 17.08.2021)
Аварийы аххосӕй ӕнӕ донӕй баззад Цхинвалы цӕгаттаг фарс - ацы микрорайонтӕм вæййы ӕнӕрлӕугӕ донифтонгад

ЦХИНВАЛ, 17 авг — Sputnik, Плиты Фатимӕ. Хуссар Ирыстоны столицӕйы паддзахадон унитарон куыстуат "Водоканал"-ы кусджытӕ иуварс кӕнынц авари доны хаххыл, фехъусын кодтой Sputnik горӕты администрацийы пресс-службӕйы.

Аварийы аххосӕй Цхинвалы иу хай  баззад ӕнӕ донӕй - цӕгаттаг микрорайонтӕм ис ӕнӕрлӕугӕ донифтонгад.

"Знон ӕмӕ абон бонӕй кусджытӕ архайынц авари аиуварс кӕныныл. Доны хӕтӕл аскъуыд столицӕйы Сырх дзуармӕ хӕстӕг. Куыстытӕ сӕххӕст кӕныны нысанӕн къуырисӕры ӕмӕ дыццӕджы бонӕй донифтогад ахицӕн кодтой", - загъта пресс-службӕйы кусӕг Коцты Зӕринӕ.

Йӕ ныхӕстӕм гӕсгӕ, куыддӕр куыстытӕ сӕххӕст кӕной, афтӕ донифтонгад дæр срӕвдз кӕндзысты.

"Дырыс сахат бӕрӕг нӕу, фӕлӕ боны дӕргъы авари иуварс ӕрцӕудзӕн", - бафтыдта уый.

Хуссар Ирыстоны столицӕмӕ дон цӕуы магисталон линитӕ Едыс-Цхинвал ӕмӕ Уанат-Цхинвалы уылты.

97
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3