Хуссар Иры студентон клуб Аполлон бабӕрӕг кодта ӕхсӕрдзӕнты комм

Хуссар Иры студентон клуб "Аполлон" бабӕрӕг кодта "ӕхсӕрдзӕнты ком"

48
(ранӕуӕггонд 10:46 18.08.2021)
Дзауы районы Леты ком арæх фæхонынц "ӕхсӕрдзӕнты ком", уым фендтаг æрдз æмæ хæхтæй дарддæр ис аив æхсæрдзæнтæ

ЦХИНВАЛ, 18 авг — Sputnik, Плиты Фатимӕ. Хуссар Ирыстоны студентон клуб "Аполлон"-ы уӕнгтӕ бабӕрӕг кодтой Дзауы районы Леты ком, фехъусын кодта Sputnik клубы хистӕр Къӕбулты Елизавета.

Дзауы районы Леты ком арæх фæхонынц "ӕхсӕрдзӕнты ком", уым фендтаг æрдз æмæ хæхтæй дарддæр ис аив æхсæрдзæнтæ. Бӕлццӕттӕ ӕхсӕвиуаты лагерь сӕвӕрдтой Дзӕдойы хохрӕбын.

"28 студенты ӕмӕ дыууӕ хистӕр кары лӕджы скондӕй балцы уыдыстӕм цыппар ӕхсӕв ӕмӕ фондз боны. Лагерӕй ӕрвылбон дӕр фӕнд кодтам цӕуын ног фендтаг бынӕттӕм, фӕлӕ нын ӕвзӕр боныгъӕд кӕй скодта, уымӕ гӕсгӕ нӕ балцытӕ фӕкъуыхцы сты. Федтам ӕхсӕрдзӕнтӕ, уый бӕрц ӕхсӕрдзӕнтӕ ныры онг никуы ма федтон - 15 дзы банымадтон", - загъта уый.

Студентон клубы хистӕры ныхӕстӕм гӕсгӕ, ног ахуыры азмӕ уыдон хъуамӕ ацӕуой ноджы иу балцы.

48
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

5
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

5