Бирӕфатерон хӕдзар Знауыры

Знауыры районы цӕрӕнуатмӕ ӕнхъӕлмӕгӕсӕг цӕрджытӕ цӕуынц ногӕй регистраци

15
Знауыры районы социалон цӕрӕнуатмӕ рады лӕууӕг ӕмбӕстӕгты ногӕй регистраци кӕндзысты августы кӕрӕтты онг

ЦХИНВАЛ, 18 авг - Sputnik, Гӕбӕраты Элина. Хуссар Ирыстоны Знауыры районы ногӕй регистраци кӕнынц ӕмбӕстӕгты, кӕцыты хъӕуы фӕхуыздӕр кӕнын сӕ цӕрӕнуатон уавӕртӕ, хъусын кӕны райадминистрацийы пресс-секретарь Оттаты Алена.

Районы ныридӕгӕн кӕронмӕ фӕхӕццӕ кӕны бирӕфатерон хӕдзары арӕзтад. Уым ис ӕхсӕз ӕртӕхатӕнон ӕмӕ дӕсӕй фылдӕр дыууӕхатӕнон фатертӕ фӕхуыздӕргонд планировкӕимӕ.

"Ногӕй регистраци хъуамӕ рацӕуой ӕмбӕстӕгтӕ, кӕцытӕ бадӕттой сӕ документтӕ 2019 азмӕ. Фыццаг рады фатертӕ райсдзысты ӕххуысхъуаг бинонтӕ. Документтӕ раног кӕнын хъӕуы 30 августы онг. Ног регистраци уагъд цӕуы законы фӕлгӕтты, кӕцымӕ гӕсгӕ процедурӕ хъуамӕ уадзой аз дыууӕ хатты", - бамбарын кодта пресс-секретарь.

Уый бафтыдта, рады лӕууӕг адӕмимӕ цӕрӕнуатон къамисы уӕнгтӕ кӕй ӕмбӕлдзысты уӕлӕмхасӕй.

Оттаты Аленайы ныхӕстӕм гӕсгӕ, радмӕ лӕууӕг адӕмы номхыгъды ис районы 200 цӕрӕгӕй фылдӕр.

"Регистрацийы рӕстӕджы куырдиаттӕн радтой номыртӕ, фатертӕ дӕр дих цӕудзысты уыцы номыртӕм гӕсгӕ. Фатер кӕмӕ не рхауа, уыдон ногӕй рацӕудзысты регистраци ӕмӕ райсдзысты хӕдзӕрттӕ ӕндӕр арӕзтады фӕстӕ", - банысан кодта уый.

Бирӕуӕладзыгон хӕдзар Знауыры районы эксплуатацимӕ ратдзысты ацы аз сентябры мӕйы.

15
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3