Цхинвалы цалцӕг кӕнынц Нӕузӕххонты уынджы хӕдзӕртты кӕртытӕ

Рӕвдз ӕмӕ гъӕдджынӕй: Цхинвалы цалцӕг кӕнынц Нӕузӕххонты уынджы хӕдзӕртты кӕртытӕ

49
(ранӕуӕггонд 15:05 18.08.2021)
Хӕдзӕртты раз кӕртытӕ арӕзт фӕуыдзысты ӕмгъуыдӕй цалдӕр боны раздӕр, ныфс ӕвӕрынц цалцӕггӕнджытӕ

ЦХИНВАЛ, 18 авг – Sputnik, Дриаты Лейла. Хуссар Ирыстоны столицӕйы Нæузæххонты уынджы бирæуæладзыгон хæдзæртты кӕртытӕ схӕрзарӕзт кӕныны куыстытӕм Цхинвалы Цалцæггæнæн-арæзтадон управлени кӕд ӕрӕвнӕлдта хӕрзӕрӕджы, уӕддӕр сын цалдӕр бонмӕ бантыст дзӕвгар саразын. Райдианы цалцӕггӕнджытӕ ӕрӕвнӕлдтой кӕртыты уӕлцъар сисыны куыстытӕм.

Цхинвалы цалцӕг кӕнынц Нӕузӕххонты уынджы хӕдзӕртты кӕртытӕ
© Sputnik / Дриаты Лейла
Цхинвалы цалцӕг кӕнынц Нӕузӕххонты уынджы хӕдзӕртты кӕртытӕ

Уый сӕххӕст кӕныны хъуыддадджы хорз хъӕппӕрис равдыстой экскаваторыл кусӕг Дудайты Руслан, шофыртӕ Зассеты Витали ӕмӕ Мӕргъиты Алан. Уыдонӕн ӕрвылбон дӕр сӕрмагонд рахицӕнгонд бынатмӕ сыджыт ластой дӕс, фынддӕс машинӕйы.

Уыцы-иу рӕстӕджы цалцӕггӕнджытӕ кусынц бордюртӕ ӕвӕрыныл дӕр.

"Ӕвӕрынмæ нын æххуыс кæнынц, ацы куыстыты фӕлтӕрддзинад кӕмӕ ис, сыхы уыцы ӕвзонг лӕппутӕ. Цӕмӕй бордюртӕ ӕвӕрд ӕрцӕуой раст ӕмӕ рӕсугъд, уым нын стыр ӕххуыс бакӕны геодезист Габуты Руслан", - зæгъынц управленийы кусджытæ.

Арӕзтадон цалцӕггӕнӕн куыстытӕ рӕвдз ӕмӕ гъӕдджынӕй кӕй ӕххӕст цӕуынц, уый ма бирӕбӕрцӕй у уагдоны хистӕр инженер Бабаты Владикы хъусдард ӕмӕ ӕххуысы фӕрцы. Уый цалцӕггӕнджытӕн ӕппыныдзух ис сӕ фарсмӕ ӕмӕ йӕм цӕмӕй бахатынц, уымæ алы хатт дæр æрдары хорз хъусдард æмæ æххæст æрцæуы. Æмæ кæд ницы проблемæтæ фӕзына, уӕд хӕдзӕртты раз кӕртытӕ арӕзт фӕуыдзысты ӕмгъуыдӕй цалдӕр боны раздӕр.

49
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

5
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

5