Уӕрӕсейы минӕварады бӕстыхай

Хуссар Иры бакӕндзысты 10 фадыджы УФ Думӕмӕ ӕвзӕрстыты рӕстӕджы

30
(ранӕуӕггонд 13:09 20.08.2021)
Уӕрӕсейы Паддзахадон думӕмӕ депутатты ӕвзӕрстытӕ ацӕудзысты сентябры кӕрӕтты. Хъӕлӕсӕппӕрсты хайад райсыны фадат уыдзӕн Уӕрӕсейы ӕмбӕстӕгтӕн, кӕцытӕ цӕрынц республикӕйы

ЦХИНВАЛ, 20 авг - Sputnik. Хуссар Ирыстоны столицӕ ӕмӕ районты бакӕндзысты дӕс фадыджы УФ Паддзахаодн думӕмӕ депутатты ӕвзӕрстыты хъӕлӕскӕнынадӕн, хъусын кӕны республикӕйы уӕрӕсейаг минӕварады официалон фарс Facebook-ы.

"Уӕрӕсейаг ӕмбӕстӕгтӕн, кӕцытӕ цӕрынц Хуссар Иры, Цхинвалы бакӕндзысты ӕхсӕз ӕвзарӕн фадыджы: Цоциты Василийы уынгыл Уӕрӕсейы минӕварады бӕстыхайы, Дмитрий Медведевы уынгыл 1-ӕм скъолайы, Джиоты Аланы проспектыл 5-ӕм скъолайы, Фидауынгӕнджыты уынгыл Профцӕдисты бӕстыхайы, Герцены уынгыл бирӕпрофилон колледжы бӕстыхайы, афтӕ ма ӕфсӕддон хайады 66431", - дзырдӕуы хъусинаджы.

Афтӕ ма схъӕлӕс кӕныны фадат уыдзӕн паселоктӕ Дзау ӕмӕ Знауыры - районон администрациты бӕстыхӕйтты, Ленингоры поселочы - Культурӕйы хӕдзары ӕмӕ Къуаисайы - горӕттаг клубы бӕстыхайы.

Паддзахадон думӕмӕ ӕстӕм ӕрсидтмӕ ӕвзӕрстытӕ ацӕудзысты 2021 азы 19 сентябры.

30
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3