Харбыз

Ӕнӕ хъацӕнтӕй: бынӕттон харбыз фӕзынд Хуссар Иры базары

98
(ранӕуӕггонд 17:42 20.08.2021)
Амалиуӕггӕнӕг Бекъойты Гела ма сахуыр кодта харбызы хицӕндзинӕдтӕ - се хсӕн ӕмбӕлынц "чызджытӕ" ӕмӕ "лӕппутӕ" дӕр

ЦХИНВАЛ, 20 авг — Sputnik, Плиты Фатимӕ. Хуссар Ирыстоны Знауыры районы егъау харбызон хӕдзарады хицау Бекъойты Гела райдыдта бынӕттон базары йӕ тыллӕг уӕй кӕнын. Ӕрвылбон Цхинвалы 2-аг базары размӕ гагадыргъ уӕй цӕуы сихоры онг, радзырдта Sputnik фермер йӕхӕдӕг.

Амалиуӕггӕнӕджы ныхӕстӕм гӕсгӕ, ныридӕгӕн харбыз ис йӕ тӕккӕ тоныны рӕстӕджы.

"Дыууӕ хуызы харбыз - "Топган" ӕмӕ "Атаман" зайын кӕнын ӕнӕ химион хъацӕнтӕй, дыууӕтӕ дӕр сты адджын, ӕрмӕст дзы иуӕн йӕ цъар у чысыл тӕнӕгдӕр", - загъта уый.

Амалиуӕггӕнӕг ма сахуыр кодта харбызы хицӕндзинӕдтӕ - се хсӕн ӕмбӕлынц "чызджытӕ" ӕмӕ "лӕппутӕ" дӕр.

"Иутӕ "чызджыты" нымайынц хӕрзаддӕрыл, аннӕтӕ та "лӕппуты". Бӕрӕг сӕ кӕнӕм сӕ сау тӕппы бӕрцӕй дыргъы быныл. Стырдӕр фӕйы сылы мыггагӕн", - бамбарын кодта Бекъойты Гела.

Фермер из Знаура Гела Бекоев
© Sputnik / Наталья Айриян
Харбыз

Фермер ма нымайы, Хуссар Ирыстоны ӕрдзон уавӕртӕм гӕсгӕ ӕркӕнӕн кӕй ис ӕрмӕст чысыл харбызтӕн.

"Дӕс килограммӕй фылдӕр нӕ кӕны ам бынӕттон харбыз, уымӕй егъаудӕртӕ сты ӕрласгӕ", - балхынцъ кодта уый.

Раздӕр зӕхкусӕг ныфс ӕвӕрдта, ацы аз бынӕттон базармӕ кӕй ратдзӕн тонны бӕрц харбыз.

98
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3