Цхинвалы цӕгатварс сараздзысты социалон цӕрӕнуӕтты 225 фатеры

Цхинвалы цӕгатварс сараздзысты социалон цӕрӕнуӕтты 225 фатеры

23
(ранӕуӕггонд 11:10 23.08.2021)
Социалон цӕрӕнуӕтты арӕзтад цӕуы Хуссар Ирыстоны социалон-экономикон райрӕзты Инвестицион нывӕзты фӕлгӕтты

ЦХИНВАЛ, 21 авг — Sputnik, Плиты Фатимӕ. Хуссар Ирыстоны столицӕйы цӕгатварс сараздзысты социалон цӕрӕнуӕтты 225 фатеры. Сӕ иу хай арӕзт фӕуыдзӕн рбалӕугӕ аз, радзырдта Sputnik арӕзтадон организаци "СТМ-Юг" - сӕйраг инженер Хъантеты Таймураз.

Строительство многоэтажных домов в Цхинвале
© Sputnik / Фатима Плиева
Цхинвалы цӕгатварс сараздзысты социалон цӕрӕнуӕтты 225 фатеры

Ӕртӕ фондзуӕладзыгон корпусы арӕзт цӕуынц раздӕры фабрикӕйы бынаты.

"Арӕзт цӕуынц ӕртӕ корпусы фӕйнӕ 75 фатеры - иу дзы сырӕзт, дыккаг амад цӕуы, ӕртыккагӕн ӕвӕрд ӕрцыд йӕ бындур. Ног аз дзы иу уыдзӕн цӕттӕ, дыууӕйы арӕзтады фӕуд нысангонд у 2023 азмӕ", - загъта Хъантеты Таймураз.

Йӕ ныхӕстӕм гӕсгӕ, микрорайоны хӕрзарӕзты фӕлгӕтты хъавынц саразын сывӕллӕтты фӕзуат.

Социалон цӕрӕнуӕтты арӕзтад цӕуы Хуссар Ирыстоны социалон-экономикон райрӕзты Инвестицион нывӕзты фӕлгӕтты.

Строительство многоэтажных домов в Цхинвале
© Sputnik / Фатима Плиева
Цхинвалы цӕгатварс сараздзысты социалон цӕрӕнуӕтты 225 фатеры
23
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3