Цхинвалы банысан кодтой УФ тырысайы бон

Уарзты ӕнкъарӕнтӕ ӕмӕ сабырады арфӕтӕ: Цхинвалы банысан кодтой УФ тырысайы бон

18
(ранӕуӕггонд 09:48 23.08.2021)
Бӕрӕгбонон мадзалы фӕлгӕтты ацыд акци "Ныв асфальтыл", кӕцы нывонд уыд Уӕрӕсейы тырысайы бонӕн

ЦХИНВАЛ, 22 авг — Sputnik, Плиты Фатимӕ. Цхинвал банысан кодта Уӕрӕсейы тырысайы бон. Столицӕйы кафетӕй иуы фӕзуатыл ацыд бӕрӕгбоны цытӕн мадзӕлттӕ.

Райдайӕны айзӕлд УФ паддзахадон гимн, организатортӕ раарфӕ кодтой ӕрӕмбырдуӕвӕг адӕмӕн.

День флага России в Южной Осетии
© Sputnik / Фатима Плиева
Цхинвалы банысан кодтой УФ тырысайы бон

Мадзалы сӕйраг пункттӕй иу - "Ныв асфальтыл" цыд сывӕллӕтты хайадистӕй. Хуызджын ахорӕнтӕй уыдон ныв кодтой Уӕрӕсейы. Арӕхдӕр уый сӕ хъуыдыйы уыд тырысайы хуызӕн, чи йӕ уыдта хурӕй, чи та йӕ ныв кодта картӕйыл, аннӕтӕ та фыстой уарзондзинады ныхӕстӕ.

Хетӕгкаты Дианайы Уӕрӕсе уыд сырх зӕрдӕйы хуызы.

"Ӕз сныв кодтон ме 'нкъарӕнтӕ, кӕй уарзын Уӕрӕсейы. Фыццагдӕр уымӕн ӕмӕ уый ӕрцыд ӕххуысмӕ 2008 азы. Стӕй мӕ зӕрдӕмӕ цӕуынц се 'гъдӕуттӕ ӕмӕ сӕ хъӕбатырдзинад 1945 азы", - радзырдта Sputnik чызг.

Мадзалы аннӕ уазӕг Хъотайты Вероника ныр дыккаг аз у ацы мадзалы архайӕг. Уый фӕрцы базыдта, Уӕрӕсейы тырысайӕ дарддӕр ноджы дыууӕ бӕстӕйы тырысатӕ.

День флага России в Южной Осетии
© Sputnik / Фатима Плиева
Цхинвалы банысан кодтой УФ тырысайы бон

"Фарон дӕр фӕцыд мӕ зӕрдӕмӕ Уӕрӕсейы тырысайы бон. Зонын ма Уӕрӕсейы тырысайӕ дарддӕр ис Китайы сырх тырыса ӕмӕ Цхинвалы (ирон) урс, сырх ӕмӕ бур хуыз тырыса", - радзырдта Вероника.

Мадзалы кӕрон архайджытӕм ӕнхъӕлмӕ каст лӕвӕрттӕ ӕмӕ адджинӕгтӕ.

Уӕрӕсейы тырысайы боны цытӕн мадзал бацӕттӕ кодта Россотрудничествойы минӕварад ӕмӕ Хуссар Ирыстоны Уӕрӕсейы ӕмбӕстӕгты цӕдис кафе Винченцойы ӕмархайдӕй.

День флага России в Южной Осетии
© Sputnik / Фатима Плиева
Цхинвалы банысан кодтой УФ тырысайы бон
18
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3