Этнолагерь Алайнаг фӕд

"Алайнаг фӕд": мадзалы архайӕг Хуссар Ирӕй радзырдта этнолагеры тыххӕй

48
(ранӕуӕггонд 11:16 23.08.2021)
Цхинвайлаг студенткӕйы ныхӕстӕм гӕсгӕ, ирд тӕлмӕнтӕй дарддӕр ма уый ссардта хорз хӕлӕрттӕ Уӕрӕсейы ӕмӕ фӕсарӕнты цӕрӕг ирӕтты хсӕн

ЦХИНВАЛ, 23 авг — Sputnik, Плиты Фатимӕ. Хуссар Ирыстоны паддзахадон университеты ӕмӕ Цхинвалы бирӕпрофилон колледжы фондз студенты хайад райстой Цӕгат Ирыстоны этнолагерь "Алайнаг фӕд"-ы.

"Тынг цымыдисон уыд. Лагеры цы рӕстӕг арвыстам, уый хъӕзныг уыд вазыгджын мадзӕлттӕй. Мах федтам нӕлгоймӕгты моладзандон Фыййагдоны, бабӕрӕг кодтам нӕ фыдӕлты фидартӕ хӕхты, уыдыстӕм Дыгуры, федтам арт-объекттӕ, уыдыстӕм музейы, дендрарийы", - радзырдта этнолагеры архайӕг Дзӕгъиаты Нина.

Йӕ ныхӕстӕм гӕсгӕ, ирд тӕлмӕнтӕй дарддӕр ма уый ссардта хорз хӕлӕрттӕ Уӕрӕсейы ӕмӕ фӕсарӕнты цӕрӕг ирӕтты хсӕн.

Этнолагерь "Алайнаг фӕд" уагъд цӕуы 2015 азӕй фӕстӕмӕ.

  • Этнолагерь Алайнаг фӕд
    Этнолагерь "Алайнаг фӕд"
    © Photo : Из личного архива Нины Джагаевой
  • Этнолагерь Алайнаг фӕд
    Этнолагерь "Алайнаг фӕд"
    © Photo : Из личного архива Нины Джагаевой
  • Этнолагерь Алайнаг фӕд
    Этнолагерь "Алайнаг фӕд"
    © Photo : Из личного архива Нины Джагаевой
1 / 3
© Photo : Из личного архива Нины Джагаевой
Этнолагерь "Алайнаг фӕд"
48
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3