Югосетпотребнадзоры радзырдтой коронавирусимӕ уавӕры тыххӕй Хуссар Иры

© Sputnik / Natalia Airiyan Коронавирус
Коронавирус - Sputnik Хуссар Ирыстон, 1920, 23.08.2021
Рафыссын
Хуссар Ирыстоны пандемийы райдайӕнӕй сбӕрӕг кодтой 4751 фӕрынчынӕувӕджы COVID-19-ӕй, ныртӕккӕ амбулаторон ӕмӕ стационарон хоскӕнынад цӕуынц 677 адӕймаджы

ЦХИНВАЛ, 19 авг - Sputnik, Хъуылымбегты Зӕлинӕ. Хуссар Ирыстоны коронавирус сбӕрӕг кодтой 41 адӕймагӕн, кӕцытӕ тесттӕ радтой майрӕмбоны, фехъусын кодта Sputnik республикӕйы сӕйраг санитарон дохтыр Коцты Марина.

"Югосетпотребнадзоры ПЦР-лабораторийы ивгъуыд майрӕмбоны сарӕзтой 284 тесты, уыдонӕй 41 радтой ӕвӕрццаг фӕстиуӕг. Иу суткӕмӕ медицинон хыгъдӕй систой 48 адӕймаджы. Дохтырты хъусдарды бын ма сты республикӕйы 677 цӕрӕджы", - загъта Коцты Марина.

Уый банысан кодта, сабат ӕмӕ хуыцаубоны цӕстдардон уагдоны ПЦР-лабораторийы кӕй нӕ арӕзтой иртӕстытӕ, къуырисӕры саразгӕ тестты фӕстиуджытӕ та бӕрӕг уыдзысты дыццӕджы райсоммӕ.

Хуссар Иры пандемийы райдайӕнӕй COVID-19 раиртасыны тыххӕй сарӕзтӕуыд 31 757 иртӕсты, уыдонӕй ӕвӕрццаг фӕстиуӕг равдыстой 4751. Медикты хъусдардӕй ссистӕуыд 4074 пациенты.

Ног хабӕртты лентӕ
0