Цхинвалы бирӕсывӕллонджын бинонты зӕнӕгӕн ацыд хӕрзаудӕн акци

Цхинвалы бирӕсывӕллонджын бинонты зӕнӕгӕн ацыд хӕрзаудӕн акци

71
(ранӕуӕггонд 16:34 25.08.2021)
Хӕрзаудӕн акци срӕвдз кодтой дукани "4 сезона"-йы бардарджытӕ, стӕй сӕм бамбал сты "Барс за спорт"-ы хицау ӕмӕ мидхъуыддӕгты министрады кусӕг Тедеты Милена. Мадзалы йӕ фӕлгӕтты ног дарсы хицӕуттӕ бауыдзысты дӕсгай бинонты сабитӕ

ЦХИНВАЛ, 25 авг — Sputnik, Плиты Фатимӕ. Хуссары Ирыстоны Мидхъуыддӕгты министрады горӕты управленийы хайад дарӕсы дуканиты ӕххуысӕй аразы хӕрзаудӕн акци Цхинвалы бирӕсывӕллонджын бинонты хсӕн.

Хӕрзаудӕн акци аразынц дарӕсы дуканитӕ "4 сезона" ӕмӕ "Барс за спорт", йе 'ххуысы къух сӕм фӕдардта мидхъуыддӕгты министрады кусӕг Тедеты Милена.

Фыццӕгтӕй иу Мидхъуыддӕгты министрады горӕты хайадмӕ ӕрбацыдысты Гӕбӕраты бинонты зӕнӕг. Уыдонӕн ацы бонты райгуырд ӕстӕм сывӕллон. Сабитӕ райстой сӕхицӕн дарӕс.

"Райсом мын загътой, милицимӕ дам ацӕуӕм. Ӕхсызгон мын уыд, мӕн Лали (Булкъон Гатайты Лали) бирӕ уарзы. Иу къаба мӕхицӕн, дзабыртӕ ме 'фсымӕрӕн ӕмӕ иууыл кӕстӕрӕн дӕр дарӕс хӕссӕм", - дзуры чысыл чызг Гӕбӕраты Лейла.

Мидхъуыддӕгты министрады горӕты управленийы ӕнахъомты инспекцийы хистӕр Гатайты Лали куыд банысан кодта, афтӕмӕй хӕрзаудӕн мадзал у ацы аз иууыл гуырахстджын акцитӕй иу.

"Дзабырты 100 къайы бӕрц радтой дукани "4 сезона"-йы бардарджытӕ, дарӕсӕй баххуыс кодта "Барс за спорт". Стӕй ма нӕхи кусӕг Тедеты Милена дӕр бахаста йӕ хайбавӕрд", - загъта  уый.

В Цхинвале проходит благотворительная акция для многодетных семьей
© Sputnik / Фатима Плиева
Цхинвалы бирӕсывӕллонджын бинонты зӕнӕгӕн ацыд хӕрзаудӕн акци

Булкъон бафтыдта, ноджы ма иу ахӕм егъау ӕххуыс кӕй райстой бирӕсывӕллонджын бинонтӕ Гуыбаты Зӕринӕйӕ.

"Социалон хызӕгты уагътой лоторей "обуть малоимущих детей", йӕ фӕлгӕтты 136 сывӕллоны райстой спортивон дзабыртӕ", - загъта Гуыбаты Зӕринӕ.

Уый ма бафтыдта, дарддӕр дӕр интернеты руаджы кӕй цӕудзӕн ахӕм акцитӕ.

  • Цхинвалы бирӕсывӕллонджын бинонты зӕнӕгӕн ацыд хӕрзаудӕн акци
    Цхинвалы бирӕсывӕллонджын бинонты зӕнӕгӕн ацыд хӕрзаудӕн акци
    © Sputnik / Фатима Плиева
  • Цхинвалы бирӕсывӕллонджын бинонты зӕнӕгӕн ацыд хӕрзаудӕн акци
    Цхинвалы бирӕсывӕллонджын бинонты зӕнӕгӕн ацыд хӕрзаудӕн акци
    © Sputnik / Фатима Плиева
1 / 2
© Sputnik / Фатима Плиева
Цхинвалы бирӕсывӕллонджын бинонты зӕнӕгӕн ацыд хӕрзаудӕн акци
71
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3