Хуссар Иры ХМ командӕ рацыд Отличники войсковой разведки конкурсы ӕртӕ этапы

Хуссар Иры ХМ командӕ рацыд "Отличники войсковой разведки" конкурсы ӕртӕ этапы

11
(ранӕуӕггонд 10:40 30.08.2021)
Конкурсы фӕлгӕтты ӕфсӕддонтӕ нырма хайад райсдзысты дыууӕ этапы, уыдонӕй фӕстаг райдайдзӕн 31 августы

ЦХИНВАЛ, 30 авг - Sputnik. Хуссар Ирыстоны командӕ хайад райста Ӕхсӕнадӕмон ӕфсӕддон хъӕзтыты – 2021 "Отличники войсковой разведки" конкурсы ӕртӕ этапы. Уый тыххӕй хъусын кӕны Хуссар Ирыстоны Хъахъхъӕнынады министрады пресс-службӕ.

Уагдоны пресс-службӕйы кусӕг Одтаты Русланы ныхӕстӕм гӕсгӕ, фыццаг ӕртӕ этапы ӕфсӕддонты бӕрӕггӕнӕнтӕ бӕрзонд нӕ уыдысты.

"Конкурсы райдайӕны размӕ сӕйраг къордӕй цалдӕр адӕймаджы фӕрынчын сты гриппӕй. Уый аххосӕгӕй командӕ фыццаг ӕртӕ этапы нӕ равдыста фӕстиуджытӕ, кӕцытӕм ӕнхъӕлмӕ каст", - банысан кодта уый.

Ныртӕккӕ фесты этаптӕ "Вывод разведывательной группы в тыл противника", "Конкурс разведчиков специалистов", "Тропа разведчика". Къуырисӕры 30 августы балхынцъ уыдзӕн конкурсы цыппӕрӕм этап "Индивидуальная стрельба".

"Цыппӕрӕм этапы фыццаг хай фӕуыдзӕн сабаты, нӕ ӕфсӕддонтӕ ӕмбӕлон архайд скодтой, ацы этапӕн хатдзӕгтӕ скӕндзысты къуырисӕры", - бафтыдта пресс-службӕйы кусӕг.

Ерысты аннӕ этап "Боевая стрельба в составе разведывательной группы" райдайдзӕн 31 августы. Конкурс уагъд цӕуы Маргеловы номыл Новосибирскы уӕлдӕр ӕфсӕддон командон ахуыргӕнӕндоны базӕйыл.

11
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3