ХИПУ-йы равдыст

Хуссар Иры егъаудӕр аивадон равдыстон зал байгом уыдзӕн ХИПУ-йы

82
(ранӕуӕггонд 13:37 31.08.2021)
Хуссар Ирыстоны байгом уыдзӕн ног аивадон зал. Фыццаг равдысты бавдисдзысты номдзыд мастер Чилӕхсаты Магрезы куыстытӕ

ЦХИНВАЛ, 31 авг – Sputnik, Гӕбӕраты Элина. Хуссар Ирыстоны паддзахадон университеты уагъд цӕуынц куыстытӕ аивадон равдыстон залы арӕзтады фӕдыл, кӕцы уыдзӕн иууыл егъаудӕр республикӕйы. Университеты пресс-службӕ куыд хъусын кӕны, афтӕмӕй йӕ баконд нывӕндынц ацы аз сентябры кӕрӕттӕм.

Университеты ныридӕгӕн ацыдысты номдзыд нывгӕнджыты куыстыты ӕртӕ равдысты – Саулаты мыггаджы фоторавдыст 2018 азы августы, РХИ адӕмон нывгӕнӕг Кӕсойты Лаврентийы экспозици 2018 азы ноябры ӕмӕ УФ сгуыхт ӕмӕ адӕмон нывгӕнӕг Никас Сафроновы куыстыты равдыст 2019 азы апрелы.

"ХИПУ аивадон равдыстон зал сараздзысты 140 квадратон метры фӕзуаты бӕстыхайы. Залы уыдзӕн рухсгӕнӕн ифтонггарз, кӕцы фадат уыдзӕн змӕлын кӕнын сӕрмагонд рельсты руаджы, цӕмӕй алкӕцы нывӕн дӕр уа йӕхи сӕрмагонд рухс. ХИПУ аивадон равдыстон залы ма уыдзӕн монитортӕ ӕмӕ проектор. Залы уыдзӕн сӕрмагонд бандӕттӕ дӕр улӕфынӕн. Равдыстон залы арӕзтады фӕдыл мах уадзӕм консультацитӕ специалисттимӕ, сӕ нымӕцы нӕ номдзыд ӕмбӕстаг Кӕсойты Алан", - хъусын кӕны ХИПУ ректор Тедеты Вадимы ныхӕстӕ ахуыргӕнӕндоны пресс-службӕ.

Тедеты Вадим банысан кодта, аивадон зал кӕй байгом уыдзӕн номдзыд ирон мастер Чилӕхсаты Магрезы куыстыты равдыстӕй.

"Залмӕ бацӕуыны фадат уыдзӕн ӕрмӕст ХИПУ студенттӕ ӕмӕ ахуыргӕнджытӕн нӕ, фӕлӕ ма республикӕйы алы ӕмбӕстагӕн ӕмӕ нӕ бӕстӕйы уазджытӕн. Университет йӕ хъус дары ӕрмӕст ахуырадон процессмӕ ӕмӕ зонадон архайдмӕ нӕ, фӕлӕ ма студентон фӕсивӕды райрӕзтмӕ дӕр", - бахахх кодтой пресс-службӕйы.

ХИПУ-йы ныртӕккӕ ис дыууӕ вокалон-инструменталон ӕмӕ иу хореографион ансамблы, ӕхсӕз спортивон секцийы. Арӕзт ӕрцыдысты дыууӕ егъау музейы – этнографи ӕмӕ зоологийы. Студенттӕ аразынц телеуынынадон ӕмӕ текстон ӕрмӕджытӕ ХИПУ ТВ ӕмӕ ХИПУ-пресс фӕзуӕттыл ӕмӕ афтӕ дарддӕр.

82
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3