Пухаты Къоста

Хуссар Иры йӕ цардӕй ахицӕн зындгонд политик æмæ æхсæнадон архайæг Пухаты Къоста

67
(ранӕуӕггонд 17:00 31.08.2021)
Пухаты Къоста дӕргъвӕтин ӕзты куыста Хуссар Ирыстоны бӕрнон бынӕтты, хицӕн ӕзты уыд культурӕйы министр, паддзахады сæргълæууæджы уынаффæгæнæг, уыд Зонад иртасæн институты кусæг

ЦХИНВАЛ, 31 авг — Sputnik, Плиты Фатимӕ. Хуссар Ирыстоны дӕргъвӕтин рынчыны фӕстӕ йӕ цардӕй ахицӕн дзырддзӕугӕ политик, историон зонӕдты кандидат, президенты уынаффӕгӕнӕг Пухаты Къоста.

Уый бацыд йӕ 70 азы кары, фӕстаг ӕрдӕгаз уыд уӕззау рынчын. Политикон архайдӕй дарддӕр ма кодта стыр зонадон куыст. Ирон адӕмы геноциды сӕдӕ азмӕ бацӕттӕ кодта чиныг. Фӕстаг ӕзты ма ӕндӕр историктимæ иумӕ цӕттӕ кодтой Ирыстоны историйы чиныг дӕр.

"Уыд тынг фӕлтӕрд паддзахадон архайӕг, кӕцы куыста бӕрнон бынӕтты бирӕ ӕзты дӕргъы. Уый стыр хайбавӕрд хаста республикӕйы размӕцыдмӕ",- загъта президенты администрацийы кусӕг Уазӕгты Юрий.

Уый ма рахицӕн кодта йӕ зонадон архайд дӕр.

"Бирӕ тыхтӕ радта ирон адӕмы геноциды сахуыр кӕнынӕн ӕмӕ фундаменталон чиныг рауадзынӕн. Куыд адӕймаг ӕмӕ коллега та уыд хуымӕтӕг ӕмӕ хӕларзӕрдӕ",- бафтыдта уый.

Пухаты Къоста дӕргъвӕтин ӕзты куыста бӕрнон бынӕтты, хицӕн ӕзты уыд Хуссар Ирыстоны культурӕйы министр, паддзахады сæргълæууæджы уынаффæгæнæг, уыд зонад иртасæн институты кусæг. Ӕрæджы хорзæхджын æрцыд майдан "Фыдыбæстæ хъахъхъæнæгæн".

67
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3