Хуссар Иры МХМ радзырдтой, цал адӕймаджы ӕрурӕдтой наркотикты тыххӕй августы

Хуссар Иры МХМ радзырдтой, цал адӕймаджы ӕрурӕдтой наркотикты тыххӕй августы

16
(ранӕуӕггонд 15:30 01.09.2021)
Ӕхсӕз адӕймаджы ӕрбаздахтой уголовон бӕрндзинадмӕ статьятӕм гӕсгӕ, кӕцытӕ баст сты наркотикты контрабандӕ ӕмӕ ӕвӕрынимӕ, афтӕ ма наркотикон буарадтимӕ зайӕгойтӕ зайын кӕнынимӕ

ЦХИНВАЛ, 1 сен - Sputnik. Хуссар Ирыстоны 2021 азы августы наркотикон буарадтӕм хъусдарды фӕдыл дӕлхайады куысты фӕстиуджытӕм гӕсгӕ, уголовон бӕрндзинадмӕ ӕрбаздахтой ӕхсӕз адӕймаджы, административон бӕрндзинадмӕ 12 адӕймаджы, иу адӕймаджы та административон ахст ӕркодтой наркотиктӕ ӕнӕзакононӕй ӕвӕрыны тыххӕй. Уый тыххӕй хъусын кӕны Мидхъуыддӕгты министрады (МХМ) пресс-службӕ.

Наркотиктӕм хъусдарды дӕлхайады кусджытӕ ссардтой тобӕгонд психотропон буарадтӕ, гӕны 61 къутӕры ӕмӕ хъӕддаг гӕны 429 къутӕры.

Уагдоны банысан кодтой, ӕртӕ адӕймаджы фӕдыл кӕй бакодтой уголовон хъуыддӕгтӕ наркотикон буарадимӕ зайӕгойтӕ зайын кӕныны тыххӕй, ноджы ма ӕртӕ адӕймаджы та ӕрбаздахтой уголовон бӕрндзинадмӕ наркотикон буарадты контрабандӕ, ӕлхӕнын, ӕвӕрын ӕмӕ ласыны тыххӕй.

"Хисӕрмагонд басгӕрсты рӕстӕджы уыдонмӕ ссардтой цалдӕр пакеты синтетикон наркотик амфетаминимӕ (мэтилефедрон), кӕцыйы иумӕйаг массӕ уыд 0,58 граммы", - бафтыдтой пресс-службӕйы.

Авд ӕмбӕстаджы бафхӕрдтой административон фӕткхалды тыххӕй наркотикон фӕрӕзтӕй пайда кӕныныл тобӕйы фӕдыл законмӕ гӕсгӕ.

16
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3