Цхинвалы фӕстаг хӕрзбон загътой номдзыд дохтыр Зӕгъойты Николайӕн

Цхинвалы фӕстаг хӕрзбон загътой номдзыд дохтыр Зӕгъойты Николайӕн

330
(ранӕуӕггонд 09:31 02.09.2021)
Сызгъӕрин къухты хицау хирург фервӕзын кодта дӕсгай адӕймӕгты, 90-ӕм уӕззау ӕзты разамынд дӕтта ӕнӕниздзинад хъахъхъӕнынады фадыгӕн , сахуыр кодта Хуссар Ирыстоны сурӕттӕ ӕмӕ сӕ рауагъта хицӕн чиныгӕй

ЦХИНВАЛ, 1 сен — Sputnik, Плиты Фатимӕ. Цхинвалы ӕртыццӕджы фӕстаг хӕрзбон загътой Зӕгъойты Николайӕн (Коля). Дохтыр, медицинон зонӕдты кандидат, экс-депутат, ӕнӕниздзинад хъахъхъӕнынады раздӕры министр йӕ цардӕй ахицӕн 88 азы кары.

Похороны Николая Дзагоева
© Sputnik / Natalia Airiyan
Цхинвалы фӕстаг хӕрзбон загътой номдзыд дохтыр Зӕгъойты Николайӕн

Йӕ цардӕмбал Къудухты Донара ӕмӕ дыууӕ сывӕллоны - Эдуард ӕмӕ Зӕринӕйæн мӕсӕлӕй дзурынмӕ цыдысты бирӕтæ, сӕ фылдӕр зындгонд адӕм - сӕ нымӕцы хицауады уӕнгтӕ президент Бибылты Анатолийы сӕргълӕудӕй, медицинӕйы фадыджы кусджытӕ, зонады минӕвӕрттӕ ӕмӕ хӕлӕрттӕ, æрцыд бирӕнымӕц телеграмматӕ фæсарæнтæй.

Зӕгъойты Николай райгуырд Хуссар Ирыстоны Знауыры районы Малдайы хъӕуы. Йӕ ныййарджытӕ уыдысты артисттӕ, фӕлӕ Николай чысылӕй равзӕрста дохтыры дӕсныйад ӕмӕ бацыд ахуырмӕ Цӕгат Ирыстоны медицинон институтмӕ.

Зианы цур ныхасы рацыд МХМ-йы министры хӕдивӕг Кокойты Тарзан.

"Йӕ фырт Эдуард радзырдта фӕстаг бон, зӕгъгӕ, уыд уӕлдай хъӕлдзӕг. Акӕн дам мӕ Малдамӕ. Рцыд хорз зӕрдӕйы уагимӕ, стӕй сихӕн кодта, йӕ бинойнаг йӕ ӕрӕмбӕрзта. Афтæ сабырæй афардӕг ис а дунейӕ", - радзырдта Тарзан.

Зӕгъойты Николай æрмæст хорз дохтыр нӕ уыд, фӕлӕ ма скодта йӕхицӕн хорз адæймаджы ном Ирыстоны.

"Йæ бӕрзонддӕр ӕнтыст уыд адӕмы хорзӕх ӕй кӕй уыд. Стӕй-иу афтӕ фӕдзырдта - Ӕз сӕрыстыр дæн мӕ Ирыстонимӕ иумӕ масты къусӕй кӕй бааходӕн кодтон, уымæй. Уый ӕцӕг дӕр иууыл уӕззау рӕстӕг лӕггад кодта медицинон фадыг ӕмӕ ӕппӕт райгуырӕн бӕстӕн", - бафтыдта уый.

Ныхасы рацыдысты йӕ коллегатӕ дӕр. Джиоты Виталий æмæ Остъаты Александр. Виталий зӕрдыл ӕрлӕууын кодта, уымӕн медицинон фадыгӕй дарддӕр уыд ӕндӕр ӕнтыстытӕ дæр.

Похороны Николая Дзагоева
© Sputnik / Natalia Airiyan
Цхинвалы фӕстаг хӕрзбон загътой номдзыд дохтыр Зӕгъойты Николайӕн

"Уыд уый Къӕбысты Падойы ахуырдзау ӕмӕ йӕ дӕсныйады уымӕй бӕрзонддӕр ӕмвӕзадмӕ схызт. Уый сбӕлвырд кодта Дзауы суары хорз миниуджытӕ, цӕмӕй хицӕн кӕны аннӕ сурӕттӕй ", - загъта йӕ коллега.

"Уый уыд хирургийы цӕджындзтӕй иу. Фӕстаг ӕзты йӕхӕдӕг операцитӕ нал кодта, фӕлӕ иу йӕм дзырдтам нæ операцитæм. 90-ӕм æзты уыд министры бынаты, уæд нæ фаг кодта медикаменттӕ, уый ацыд Дзӕуджыхъӕумӕ ӕмӕ ӕрласта хъӕуӕн ӕрмӕг",- ӕрӕмысыд Остъаты Александр.

Мыггаджы номӕй зианмæ æрцæуæг адæмæн бузныг загъта Зӕгъойты Феликс.

"Зӕгъойты мыггагимӕ иумӕ зиан ӕрцыд Ирыстоныл. Уыд куырыхон, зондамонӕг лӕг. Бузныг абон ацы ӕвзӕр дуг чи скад кодта ӕмӕ рацыд хицауадӕй ӕмӕ ӕппӕт адӕмӕй", - загъта Зӕгъойты Феликс.

Зӕгъойты Николай йӕ цардӕй 60 азы радта медицинӕйӕн. Уый уыд номдзыд республикӕ ӕмӕ фӕсарӕнты дӕр. Бирӕ азты дӕргъы куыста хирургӕй Хуссар Ирыстоны, уӕззау рӕстӕджы та уыд ӕнӕниздзинад хъахъхъӕнынады министр, уыд ма парламенты депутат дӕр. Уый фервӕзын кодта сӕдӕгай цӕрдтӕ сабыр рӕстӕг ӕмӕ хӕсты азты дӕр.

330
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3