Цхинвалы йе 'нусон бынатмӕ афӕндараст кодтой ахуыргонд ӕмӕ политик Пухаты Къостайы

© Sputnik / Natalia Airiyan Цхинвалы йе 'нусон бынатмӕ афӕндараст кодтой историк ӕмӕ политик Пухаты Къостайы
Цхинвалы йе 'нусон бынатмӕ афӕндараст кодтой историк ӕмӕ политик Пухаты Къостайы - Sputnik Хуссар Ирыстон, 1920, 02.09.2021
Рафыссын
Фыдохы митинджы адӕм дзырдтой Пухаты Къостайы ӕхсӕнадон ӕмӕ паддзахадон архайдыл, зонадон бынтыл, спортивон ӕнтыстытыл ӕмӕ йын кӕнинаг цы баззад, уыдӕттыл
ЦХИНВАЛ, 2 сен — Sputnik, Плиты Фатимӕ. Хуссар Ирыстоны столицӕйы фӕстаг хӕрзбон загътой дзырддзӕугӕ политик, историон зонӕдты кандидат, президенты уынаффӕгӕнӕг Пухаты Къостайӕн. Официалон церемонийы агъоммӕ йын хӕрзбон загътой чырыстон ӕгъдаумӕ гӕсгӕ.
Фыдохы митинг йӕ раныхасӕй бакодта Хуссар Ирыстоны Мидхъуыддӕгты министры хӕдивӕг Кокойты Тарзан.
"Фӕстаг рӕстӕг уӕззау зиӕнттӕ цӕуы Ирыстоныл, фылдӕр ын чи балӕггад кодта, уыдон цӕуынц нӕ цурӕй. Ирыстонӕн ма бирӕ хорзты чи бацыдаид, ахӕмӕн адӕймагӕн та абон дзурӕм хӕрзбон", - радзырдта Кокойты Тарзан.
Ӕрӕмбырдуӕвджыты уый базонгӕ кодта Пухаты Къостайы цардвӕндагимӕ.
Пухаты Къоста райгуырд Сталиниры 1952 азы поэт-фронтавик Пухаты Петро ӕмӕ Евдокияйы бинонты хсӕн, уыд цыппӕрӕм хъӕбул. Йӕ хотӕ се 'ппӕт дӕр бирӕ сарӕзтой сӕ райгуырӕн бӕстӕйӕн.
Пухаты Къоста фӕцис дыккӕм скъола, уый фӕстӕ та педагогон институт иттӕг хорз бӕрӕггӕнӕтимӕ, стӕй та сӕххӕст кодта йӕ хӕс райгуырӕн бӕстӕйы раз - ацыд ӕфсадмӕ Венгримӕ.
© Sputnik / Natalia Airiyan Пухаты Къостайы зиан
Похороны Коста Пухаева - Sputnik Хуссар Ирыстон, 1920, 26.10.2021
Пухаты Къостайы зиан
"Фӕстӕдӕр скодта бинонтӕ, йӕ цардӕмбал Джиоты Фатимӕимӕ сын ис дыууӕ чызджы, цин кӕнынӕй сыл нӕ бафсӕст. Йӕ хиуӕттӕ, сыхӕгтӕ, коллегатӕ та бирӕ ӕзты мысдзысты йӕ фарн ӕмӕ ӕгъдау", - банысан кодта йӕ раныхасы Кокойты Тарзан.
Уый ма радзырдта, Пухаты Къоста кӕй уыд хорз спортсме н дӕр.
Зонад-иртасӕн институты директор Гаглойты Роберт радзырдта Пухаты Къостайы тыххӕй, куыд йӕ хӕлар ӕмӕ стыр зонадон бынты автор.
"Мах канд коллегатӕ не стӕм, фӕлӕ сыхӕгтӕ ӕмӕ хӕлӕрттӕ. Стӕмтӕ йӕ зонынц, уый куыд хорз этнограф ӕмӕ историк, афтӕ ма кӕй уыд ӕппӕтцӕдисон 41 маршруты амонӕг. Ис ын 37 монографийы. Уый уыд адӕймаг-энциклопедист. Бацӕттӕ кодта поэмӕ "Ода Ирыстонӕн", - радзырдта Гаглойты Роберт.
Фыдохы митингмӕ ӕрӕмбырд ис бирӕ адӕм, сӕ нымӕцы хицауады уӕнгтӕ, зонадон кусджытӕ ӕмӕ президенты администрацийы кусджытӕ.
© Sputnik / Natalia Airiyan Пухаты Къостайы зиан
Похороны Коста Пухаева - Sputnik Хуссар Ирыстон, 1920, 26.10.2021
Пухаты Къостайы зиан
"Нӕ рахизын ныхасы, фӕлӕ йӕ абон мӕ хӕсыл банымадтон. Алы президенты рӕстӕг дӕр куыста ӕмӕ йын алчидӕр йӕ куыстӕй уыд райгонд. Бирӕ фундаменталон куыстытӕ йын ис", - загъта президент Бибылты Анатолий.
Уый ма бафтыдта, уӕлдай ӕввахс ын кӕй сты Къостайы бинонтӕ.
"Мӕнӕн мӕ хо авд сывӕллонимӕ иунӕгӕй куы баззад, уӕд йӕ фарсмӕ баллӕуыд ӕрмӕст Фатимӕ. Уымӕ гӕсгӕ мын ацы бинонты рыст зын у куыд президент ӕмӕ адӕймаг, афтӕ дӕр", - загъта президент.
Фыдох митинджы бакастытысты мӕсӕлӕйы фыстӕджытӕ Уӕрӕсейы алы къуымтӕй ӕмӕ Туркӕй.
Пухаты Къоста дӕргъвӕтин ӕзты куыста бӕрнон бынӕтты, хицӕн ӕзты уыд Хуссар Ирыстоны культурӕйы министр, паддзахады сæргълæууæджы уынаффæгæнæг, уыд Зонад-иртасæн институты кусæг. Ӕрæджы хорзæхджын æрцыд майдан "Фыдыбæстæ хъахъхъæнæгæн"-ӕй. Йӕ фундаменталон куыстыты хсӕн рахицӕн кӕнӕн ис ирон адӕмы 1920 азы геноциды чиныг.
Ног хабӕртты лентӕ
0