Беслӕны трагедийы амӕттӕгтӕн нывонд акци

Хуссар Иры ацӕудзӕн Беслӕны трагедийы амӕттӕгтӕн нывонд акци

20
(ранӕуӕггонд 10:55 03.09.2021)
Республикӕйы цӕрджытӕ ӕмӕ уазджытӕн фадат уыдзӕн ссарын теракты амӕттӕгты рухс нӕмттӕ Цхинвалы Театралон фӕзуатыл 3 сентябры

ЦХИНВАЛ, 3 сен – Sputnik, Тъехты Дзерассӕ. Цхинвалы, майрӕмбоны 3 сентябры, ацӕудзӕн мысӕн акци "Неоконченный урок… (детям Беслана посвящается)". Уый тыххӕй Sputnik фехъусын кодта культурӕйы министрады сӕйраг специалист ӕхсӕнадимӕ бастдзинӕдты фӕдыл Остъаты Мӕдинӕ.

"Горӕты цӕрджытӕн фадат ис ӕрбацӕуын ӕмӕ ссарын фӕмардуӕвджыты рухс нӕмттӕ иу уысм ӕдзӕмӕй алӕугӕйӕ, афтӕ ма сӕвӕрын дидинтӕ, дон ӕмӕ хъазӕнтӕ", - загъта министрады минӕвар.

Остъаты Мӕдинӕ бафтыдта, зӕгъгӕ, акци нывӕндысты райдайын 11.00 сахатыл райсомӕй, фӕлӕ йӕ аргъӕвтой ӕвзӕр боныгъӕды тыххӕй.

"Мах аскъуыддзаг кодтам райдайын мадзал фӕстӕдӕр, 14.00 сахатыл, цӕмӕй бацӕттӕ кӕнӕм ӕмӕ бахъахъхъӕнӕм къӕвдайӕ къамтӕ ӕмӕ трагедийы алыгъуызон ӕрмӕджытӕ", - банысан кодта Культурӕйы министрады специалист.

2004 азы 1 сентябры беслӕйнаг скъолайы спортивон залы ӕртӕ боны террористтӕ дардтой амынӕты 1128 адӕймаджы. 3 сентябры 13.05 сахатыл скъолайы спортивон залы фехъуыст фыццаг бомбӕйы фехӕлд. Фӕмард 334 адӕймаджы, се хсӕн 186 сывӕллоны, 800 адӕймагӕй фылдӕр та фӕцӕф сты.

20
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3