Дзауы район

Дзауы районы хъӕутӕм сӕндидзын кодтой фӕндагон бастдзинад тӕрккъӕвдайы фӕстӕ

44
(ранӕуӕггонд 15:09 03.09.2021)
Хуссар Ирыстоны Дзауы районы ӕмӕ Транскамыл дыууӕ бон уары тӕрккъӕвда, йӕ фӕстиуӕгӕн ӕрцыд цъыфы зӕйтӕ, фӕласта фӕндӕгтӕ

ЦХИНВАЛ, 3 сен — Sputnik, Плиты Фатимӕ. Хуссар Ирыстоны Дзауы районы ӕппӕт хъӕутӕм дӕр сӕндидзын кодтой фӕндагон бастдзинад, фехъусын кодта Sputnik районы цӕрӕн-коммуналон хӕдзарады хистӕр Цхуырбаты Тамерлан.

Хуссар Ирыстоны Дзауы районы ӕмӕ Транскамыл дыууӕ бон уары тӕрккъӕвда, йӕ фӕстиуӕгӕн ӕрцыд цъыфы зӕйтӕ, фӕласта фӕндӕгтӕ.

"Къӕвда ныр дӕр уары. Районы разамынды хӕслӕвӕрдтӕ гӕсгӕ Згъубиры фӕндаг, кӕцы кӕны Сыбайы хъӕумӕ дӕр, расыгъдӕг кодтой. Фӕндагон бастдзинад фӕзынд, фӕлӕ нырма нывыл арӕзт нӕу, уымӕ гӕсгӕ иу бригадӕ уым баззад кусгӕйӕ", - загъта Цхуырбаты Тамерлан.

Уый ма бафиппайдта, тӕрккъӕвда ӕрмӕст Згъуыбиры фӕндаг кӕй нӕ бахъыгдардта, ӕнгӕс проблемӕтӕ фӕзындысты поселочы, Хъемулта, Стырфӕз, Хслеб ӕмӕ Сачърейы хъӕуты дӕр.

"Фӕлӕ дысон се 'ппӕтмӕ дӕр уыд бацӕуӕн", - загъта ЦКХ хистӕр ӕмӕ бафтыдта, ныртӕккӕ дӕр фӕндӕгтыл кӕй кусынц ӕртӕ къорды.

44
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3