1 сентябрь

Ахсджиаг бон: Хуссар Ирыстоны райдыдта ног ахуыры аз

16
(ранӕуӕггонд 11:19 06.09.2021)
Ацы аз республикӕйы 51 скъолаты къӕсӕрӕй бахиздзысты 650-ӕй фылдӕр фыццагкъласоны, уыдонӕй 78 райсдзӕн Цхинвалы 6-ӕм скъола

ЦХИНВАЛ, 6 сен – Sputnik, Тъехты Дзерассӕ. Ног ахуыры аз Хуссар Ирыстоны ӕппӕт скъоладзаутӕн дӕр суыдзӕн уӕлдай амондджын ӕмӕ зӕрдылдарӕндӕр, загъта Ахуырады министры хӕдивӕг Гаглойты Элиса Цхинвалы 6-ӕм скъолайы цытджын линейкӕйы.

Ахуыры аз Хуссар Ирыстоны 2018 азӕй фӕстӕмӕ райдайы фӕстӕдӕр Беслӕны трагедийы фӕдыл фыдохы бонты тыххӕй. Улӕфт бонты тыххӕй ацы аз Зонындзинӕдты бон банысан кодтой 6 сентябры. 

Гаглойты Элиса рагъта йӕ фӕндиӕгты, цӕмӕй абон скъолайы къӕсӕрӕй цы сывӕллӕттӕ бахызтызты, уыдон ахуыр кӕной иттӕг хорз нысӕнттыл ӕмӕ фидӕны суой хорз адӕм.

"Ацы аз мах ахиздзыстӕм ӕппӕт зындзинӕдты сӕрты дӕр ӕмӕ ахуыры азы кӕроныл сӕмбӕлдзыстӕм хорз бӕрӕггӕнӕнтимӕ", - загъта уый ӕмӕ ахуырдзаутӕн йӕ цӕст бауарзта хорз нысӕнттӕ ӕмӕ стыр ӕнтыстытӕ.

Мадзал адарддӕр ис чысыл концертӕй. Скъолайы директор Бедойты Элеонора схорзӕхджын кодта педколлектив ӕмӕ кӕцыдӕр ныййарджыты грамотӕтӕй.

Ацы аз республикӕйы 51 скъолаты къӕсӕрӕй бахиздзысты 650-ӕй фылдӕр фыццагкъласоны, уыдонӕй 78 райсдзӕн Цхинвалы 6-ӕм скъола.

16
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3