Ӕртыккӕгӕм скъолайы баконд

Историон цау: Цхинвалы айзӕлыд фыццаг дзӕнгӕрӕг ног ӕртыккӕгӕм скъолайы

15
(ранӕуӕггонд 14:19 06.09.2021)
Хуссар Ирыстоны столицӕйы рагондӕр скъолатӕй иуы абон ис дыууӕ бӕрӕгбоны – Зонындзинӕты бон ӕмӕ ног бӕстыхайы бӕрӕгбонон баконд. Объект арӕзт ӕрцыд 2020-2022 ӕзты Инвестицион нывӕзты фӕлгӕтты

ЦХИНВАЛ, 6 сен – Sputnik, Гӕбӕраты Элина. Цхинвалы ацыд ӕртыккӕгӕм скъолайы ног бӕстыхайы бӕрӕгбонон баконд. Къуырисӕры, 6 сентябры, ацы скъолайы айзӕлыд фыццаг дзӕнгӕрӕг.

Открытие школы №3
© Sputnik / Natalia Airiyan
Ӕртыккӕгӕм скъолайы баконд

Цхинвалы ӕртыккӕгӕм скъола у Хуссар Ирыстоны рагондӕр скъолатӕй иу. Уый арӕзт ӕрцыд 1930 ӕзты. Аварион уавӕры тыххӕй бӕстыхай ныппырх кодтой, ног скъола сарӕзтой 2020-2022 ӕзты Инвестицион нывӕзты фӕлгӕтты.

Зонындзинӕдты бонмӕ ӕрбацыдысты президент Бибылты Анатолий, УФ минӕвар республикӕйы Марат Кулахметов, ахуырады министр Гасситы Натали.

Открытие школы №3
© Sputnik / Natalia Airiyan
Ӕртыккӕгӕм скъолайы баконд
"Тынг ӕхсызгон мын у уынын алкӕйдӕр ацы бӕрӕгбоны. Махӕн абон ис дыууӕ бӕрӕгбоны – Зонындзинӕдты бон ӕмӕ скъолайы баконды бон. Фӕнды мӕ бузныг зӕгъын Уӕрӕсейы Федерацийӕн, уымӕн ӕмӕ нӕ скъола арӕзт ӕрцыд Уӕрӕсейы финансон ӕххуысы руаджы. Тынг рӕсугъд ӕмӕ комфортабелон скъола у", - банысан кодта скъолайы директор Бестауты Мӕдинӕ.

Уый бахахх кота, бӕстыхай эксплуатацимӕ кӕй радтой ӕмгъуыдӕй раздӕр, цӕмӕй сывӕллӕттӕ сӕмбӕлой Зонындзинӕдты боныл сӕ ног скъолайы.

День знаний в Южной Осетии
© Sputnik / Natalia Airiyan
Ӕртыккӕгӕм скъолайы баконд

Бестауты Мӕдинӕ бузныг загъта ахуырадон уагдоны бӕстыхайы арӕзтады хайад чи ста, уыдонӕн, афтӕ ма 12-ӕм скъолайы дирекцийӕн, цы ран уыдон куыстой, цалынмӕ сын сӕ скъола арӕзтой.

Бибылты Анатолий раарфӕ кодта ахуырдзаутӕн, ӕмӕ сын йӕ цӕст бауарзта ӕнтыстытӕ сӕ ахуыры, афтӕ ма бузныг загъта Уӕрӕсейы Федерацийӕн скъолайы арӕзтады тыххӕй, аразджытӕн та цӕсгомджын куысты тыххӕй.

"Ӕртыккӕгӕм скъоламӕ ӕрыздӕхт у ахсджиаг цау. Кӕцы рӕсугъддзинад уынӕм, уый у ноджы иу лӕвар нӕ сывӕллӕттӕн Уӕрӕсейӕ. Мӕхи номӕй, афтӕ ма ныййарджыты ӕмӕ ахуыргӕнджыты номӕй мӕ ноджы иу хатт фӕнды зӕгъын бузныг хъусдардӕн, кӕцы мах ӕрвылбон исӕм Уӕрӕсейӕ", - банысан кодта Бибылты Анатолий.

Уӕрӕсейы минӕвар Хуссар Ирыстоны Марат Кулахметов бахахх кодта, ӕртыккӕгӕм скъола ныр кӕй у Цхинвалы иууыл рӕсугъддӕр бӕстыхӕйттӕй иу.

Ахуырад ӕмӕ зонады министр Гасситы Натали банысан кодта, мидтыхстимӕ кӕй гом кӕны скъола, цы ран ахуыр кодтой йӕ ныййарджытӕ.

Открытие школы №3
© Sputnik / Natalia Airiyan
Ӕртыккӕгӕм скъолайы баконд

Республикӕйы президентӕн банхъардтой ныффыссын йӕ арфӕйы ныхӕстӕ абоны фыццагкъласонтӕн. Фыстӕг сӕхгӕдтой сейфы, ӕмӕ куыд банысан кодтой, афтӕмӕй Бибылты Анатолий уыдзӕн кадджын уазӕг ацы фӕсивӕды рауагъдон балы рӕстӕджы, кӕцыйы рӕстӕджы сейф бакӕндзысты.

Бӕрӕгбонон церемонийы рӕстӕджы алыг кодтой сырх лентӕ. Ног скъоламӕ фыццаг бацыдысты 25 фыццагкъласоны. Фыццаг дзӕнгӕрӕг ӕдӕппӕт айзӕлыд скъолайы 170 ахуырдзауӕн.

15
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3