Цхинвалы ӕвзонг техникты станц бакодта йӕ дуӕрттӕ скъоладзаутӕн

Цхинвалы ӕвзонг техникты станц бакодта йӕ дуӕрттӕ скъоладзаутӕн

8
(ранӕуӕггонд 15:27 06.09.2021)
Станцы кӕрты бавдыстой ӕвзонг мастерты куыстыты равдыст, уагъд цӕуынц мастер-класстӕ, афтӕ ма алыгъуызон цымыдисон хъӕзтытӕ

ЦХИНВАЛ, 6 сентября - Sputnik, Хъуылымбегты Зӕлинӕ. Цхинвалы Ӕвзонг техникты станц ног ахуырадон азыл сӕмбӕлд гом дуӕртты бонӕй. Кӕрты уагъд цӕуынц равдысттӕ ӕмӕ мастер-класстӕ ахуыргӕнджытӕ ӕмӕ скъоладзауты хайадистӕй.

"Мадзал нывонд у Зонындзинӕдты бонӕн. Мах бавдыстам нӕ иугондтӕ, кӕцытӕ махмӕ ис станцы, уый фӕдыл фӕсивӕдӕн фадат ис фенын бирӕ цымыдисон мастер-класстӕ ӕмӕ сӕ хайад райсын", - радзырдта Sputnik ӕвзонг техникты станцы директор Калаты Нариман.
День открытых дверей на Станции юных техников в Цхинвале
© Sputnik / Залина Кулумбегова
Цхинвалы ӕвзонг техникты станц бакодта йӕ дуӕрттӕ скъоладзаутӕн

Станцы кӕрты уагъд цӕуынц мастер-класстӕ хъӕдӕрмӕгыл ныфӕфтауын, райдайӕн-техникон модель аразынӕн ӕмӕ хъӕдӕрмӕгыл зынгӕй ныв кӕнынӕй. Афтӕ ма бавдыстой хъӕзтытӕ, кӕцытӕ сарӕзтой скъоладзаутӕ.

"Ӕз мӕхи бафӕлвардтон хъӕдӕрмӕгыл зынгӕй ныв кӕнынӕй. Мӕ зӕрдӕмӕ тынг фӕцыд. Фӕнды мӕ хуыздӕр базонын ацы ӕрмиад", - загъта скъоладзау Нина.

Станцы директоры ныхӕстӕм гӕсгӕ, скъоладзаутӕ ӕмӕ сӕ ныййарджытӕн ис фадат бацӕуын бӕстыхаймӕ ӕмӕ фенын ӕрмадзтӕ. Мадзал адарддӕр уыдзӕн боны кӕронмӕ.

  • Цхинвалы ӕвзонг техникты станц бакодта йӕ дуӕрттӕ скъоладзаутӕн
    Цхинвалы ӕвзонг техникты станц бакодта йӕ дуӕрттӕ скъоладзаутӕн
    © Sputnik / Залина Кулумбегова
  • Цхинвалы ӕвзонг техникты станц бакодта йӕ дуӕрттӕ скъоладзаутӕн
    Цхинвалы ӕвзонг техникты станц бакодта йӕ дуӕрттӕ скъоладзаутӕн
    © Sputnik / Залина Кулумбегова
  • Цхинвалы ӕвзонг техникты станц бакодта йӕ дуӕрттӕ скъоладзаутӕн
    Цхинвалы ӕвзонг техникты станц бакодта йӕ дуӕрттӕ скъоладзаутӕн
    © Sputnik / Залина Кулумбегова
  • Цхинвалы ӕвзонг техникты станц бакодта йӕ дуӕрттӕ скъоладзаутӕн
    Цхинвалы ӕвзонг техникты станц бакодта йӕ дуӕрттӕ скъоладзаутӕн
    © Sputnik / Залина Кулумбегова
  • Цхинвалы ӕвзонг техникты станц бакодта йӕ дуӕрттӕ скъоладзаутӕн
    Цхинвалы ӕвзонг техникты станц бакодта йӕ дуӕрттӕ скъоладзаутӕн
    © Sputnik / Залина Кулумбегова
1 / 5
© Sputnik / Залина Кулумбегова
Цхинвалы ӕвзонг техникты станц бакодта йӕ дуӕрттӕ скъоладзаутӕн
8
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3