Евгений Соколовский

Цхинвалы ацæудзæн зынгӕ уӕрӕсейаг пианист Евгений Соколовскийы концерт

48
(ранӕуӕггонд 09:54 07.09.2021)
Евгений Соколовский у Уӕрӕсейы музыкалон цӕдисы ӕмӕ авторон ӕхсӕнады уӕнг, бирӕнымӕц конкурстӕ ӕмӕ фестивальты уӕлахиздзау

ЦХИНВАЛ, 6 сен – Sputnik, Плиты Фатимӕ. Цхинвалы ацӕудзӕн зындгонд уӕрӕсейаг пианист ӕмӕ композитор Евгений Соколовскийы ралӕуд. Концерт ацӕудзӕн 14 сентябры Хуссар Ирыстоны паддзахадон театры фӕхуындмӕ гӕсгӕ, фехъусын кодтой Sputnik культурон уагдоны директор Уалыты Мӕдинӕ.

"Концертон нывӕзты уыдзӕн куыд Соколовскийӕн йӕхи композицитӕ, афтӕ номдзыд композитортӕ Бах, Бетховен, Вивальди ӕмӕ ӕндӕрты уацтӕ. Бирӕнымӕц ӕхсӕнадӕмон премиты лауреаты ӕрцыд арӕзт цӕуы Хуссар Ирыстоны Культурӕйы министрады разыдзинадӕй", - загъта Уалыты Мӕдинӕ.

Уым ма банысан кодтой, культурон бастдзинӕдтӕ кӕй фӕзындысты театры гастрольты фӕрцы.

"Сфӕлдыстадон къорды балцыты рӕстӕджы ӕмбӕлӕм ӕмӕ бастдзинад фидар кӕнӕм культурӕйы фадыджы зындгод архайджытимӕ. Пианист йӕхӕдӕг равдыста хъӕппӕрис ӕрцӕуыны тыххӕй. Билеттӕ райсӕн ис театры кассӕйы", - загъта уый.

Евгений Соколовский у Уӕрӕсейы музыкалон цӕдисы ӕмӕ авторон ӕхсӕнады уӕнг, бирӕнымӕц конкурстӕ ӕмӕ фестивальты уӕлахиздзау.

Уый архайдта FIFA 2017 конфедерацийы Кубокы æхгæныны церемонийы, Ӕхсæнадæмон кинофестиваль "Евразийский Мост", шоу "Легенды спорта 1996-2016", "Прекрасная М" 2017 азы, "Lovesick" æмæ 2018 азы та "Timeless" , стæй ма Ӕхсæнадæмон кинофестиваль "Сталкер" æмӕ æндæрты.

48
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3