Югоссельхознадзоры бамбарын кодтой Уӕрӕсеимӕ арӕныл карздӕр цӕстдарды аххосӕгтӕ

Югоссельхознадзоры бамбарын кодтой Уӕрӕсеимӕ арӕныл карздӕр цӕстдарды аххосӕгтӕ

73
(ранӕуӕггонд 17:59 06.09.2021)
Дæллаг Зæрæмæджы пунктты фæкарздæр цæрæгойтӕ, хæлцад æмæ цæрæгойты холлæгты баластмӕ цæстдард, ивындзинæдтæ баст сты Хуссар Иры африкæйаг емынæйы фæзындимæ

ЦХИНВАЛ, 6 сен — Sputnik, Плиты Фатимӕ. Хуссары Ирыстоны хъӕууон хӕдзарад министрады бамбарын кодтой Уӕрӕсеимӕ арӕны сӕртыл фӕкарздӕргод мадзӕлтты тыххӕй, кӕцыты ивгъуыд къуыри фехъусын кодта Роспотребнадзор.

Югоссельхознадзоры хистӕр Гуыцмӕзты Маирбегы ныхӕстӕм гӕсгӕ, ацы тобӕтӕ сты рагӕй, фӕлӕ та фӕкарздӕр сты Хуссар Ирыстоны африкӕйаг емынӕ кӕй апарахат ис, уый аххосӕй.

"Урсаджы ӕмӕ фыдӕзгъӕлы продукци иууылдӕр у тобӕгонд. Евразийы экономикон цӕдисы бӕстӕты домӕнтӕм гӕсгӕ арӕны сӕртыл аласны бар уыдзӕн ӕрмӕст фондз кг бӕрц хӕлцадӕн рауагъдадон тыхтоны. Ӕндӕр хӕлцад, кӕцы арӕзт ӕрцыд хӕдзарон уавӕрты нӕ уадздзысты",- загъта Гуыцмӕзты Маирбег.

Ацы тобӕтӕ раздӕры дӕр уыдысты, фӕлӕ  раздӕр афтӕ карзӕй ӕххӕст нӕ цыдысты.

"Ацы тобӕтӕ уыдысты раздӕр дӕр, фӕлӕ уӕд адӕмӕн иу бантыст аласын продукци, фӕлӕ ныр Хуссар Ирыстоны куы рабӕрӕг ис африкӕйаг емынӕй, уӕд Россельхознадзор ацы домӕнтӕ зӕрдыл ӕрлӕууын кодта. Ӕз ныхас кодтон мӕ цӕгатирыстойнаг коллегатимӕ ӕмӕ мын уыдон дӕр сбӕлвырд кодтой бӕстон сгӕрст кӕй цӕудзысты ласӕггӕгтӕ таможнӕйы", - бафтыдта уый.

Уый ма бамбарын кодта хӕдзарон фос дӕр акӕнӕн ис ӕрмӕст ӕххӕст документтимӕ.

"Дыууӕ сӕры гӕдытӕ ӕмӕ куыйтӕн акӕн ис, фӕлӕ ӕнӕмӕнг сын хъуамӕ уа  ӕхсӕнадӕмон хуызы паспортӕ, цы ран ис вакцинацийы бӕлвырдӕнӕнтӕ дӕр. Ставд къах фосы акӕнын у тобӕгонд", - бафтыдта уый.

Уыимӕ иумӕ Уӕрӕсемӕ сӕрибарӕй ласӕн ис дыргъ.

"2007 азы Роспотребнадзоры барамындӕй Хуссар Ирыстонӕй Уӕрӕсемӕ фадат ис ласын фӕткъуы. Ӕрмӕстдӕр развӕлгъау хъӕуы сфидар кӕнын ӕмбӕлон гӕххӕтытӕ нырма Югоссельхознадзоры аласны фӕдыл ӕмӕ Роспотребнадзоры та Уӕрӕсемӕ баласыны тыххӕй",- бафтыдта уый.

73
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3