Цхинвалы цӕуы ӕхсӕнадӕмон конференци ӕбӕрӕгӕй фесӕфӕг адӕмы бинонтӕн

Цхинвалы цӕуы ӕхсӕнадӕмон конференци ӕбӕрӕгӕй фесӕфӕг адӕмы бинонтӕн

11
(ранӕуӕггонд 12:48 07.09.2021)
Мадзал организацигонд ӕрцыд Сырх Дзуары ӕхсӕнадӕмон комитеты хуссарирыстойнаг миссийы тыхтӕй ӕмӕ адарддӕр уыдзӕн дыууӕ боны

ЦХИНВАЛ, 7 сен - Sputnik. Цхинвалы, уазӕгдон "Ирыстон"-ы конференц-залы уагъд цӕуы дыккаг ӕхсӕнадӕмон онлайн-конференци ӕбӕрӕгӕй фесӕфӕг адӕмы бинонтӕн.

Конференцийы хайад истынц 1990-ӕ ӕзтӕй 2008 азы онг конфликтты ӕбӕрӕгӕй чи фесӕфт, уыдон хӕстӕджытӕ, хъусын кӕны мадзалы организаторы - Сырх Дзуары ӕхсӕнадӕмон комитеты хуссарирыстойнаг миссийы пресс-службӕ.

Международная конференция для семей лиц, пропавших без вести
Пресс-служба МККК
Цхинвалы цӕуы ӕхсӕнадӕмон конференци ӕбӕрӕгӕй фесӕфӕг адӕмы бинонтӕн

Мадзал конд у цалдӕр хаййӕ, кмцыты иу кӕны ӕбӕрӕгӕй фесӕфӕг адӕмы бинонтӕн психологон ӕмӕ социалон ӕххуысы темӕ.

Миссийы сӕргълӕууӕджы хӕстӕ ӕххӕстгӕнӕг Мириам Фавьер бансан кодта мадзалы ахсджиагдзинад, кӕцы виртуалон тыгъдады ӕрӕмбырд кодта 500-мӕ ӕввахс хайадисӕджы дӕсгай бӕстӕтӕй.

Онлайн-фембӕлды бинонтӕн ис фадат адих кӕнын сӕ фӕлтӕрддзинад, ӕрбаиу кӕнын сӕ тыхтӕ, цӕмӕй райсой дзуаппытӕ сӕ ӕбӕрӕгӕй фесӕфӕг хиуӕтты тыххӕй.

"Ӕбӕрӕгӕй фесӕфӕг адӕмы бинонтӕ, зӕххы къорийы кӕцыфӕнды хаххыл ма уой, уӕддӕр иунӕг хъуамӕ ма уой сӕ тыхстдзинады. Уыцы адӕмы хъысмӕтӕй исты базонын у дӕгъвӕтин ӕмӕ риссаг процесс ӕмӕ йӕ мах хъуамӕ рацӕуӕм иумӕ", - загъта Фавьер.

Хуссар ирыстоны адӕймаджы барты фӕдыл ӕххӕстбарджын Тасойты Инал бузныг загъта ӕрӕмбырдуӕвджытӕн конференцийы хайадисты тыххӕй ӕмӕ бахахх кодта ахӕм глобалон инициативӕты фӕлгӕтты ӕрбангом уӕвыны ӕнӕмӕнгхъӕуӕгдзинад. 

11
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3