Михаил Чумаченко

Хуссар Иры паддзахадон театрмӕ ӕрхуыдтой уӕрӕсейаг режиссеры

16
(ранӕуӕггонд 09:39 08.09.2021)
Уӕрӕсейаг режиссер Михал Чумаченко куыстмӕ бавнӕлдта ацы бонты, сфӕлдыстадон къордимӕ кусынц Александр Володины пьесӕ "Фондз изӕры"-ыл

ЦХИНВАЛ, 7 сен — Sputnik, Плиты Фатимӕ. Хуссар Ирыстоны паддзахадон драмон театры труппӕ уӕрӕсейаг режиссеры къухдариуӕгадӕй сӕвӕрдзысты спектакль "Фондз изӕры", фехъусын кодта Sputnik уагдоны аивадон разамонӕг Дзудцаты Тамерлан.

Уӕрӕсейаг режиссер Михал Чумаченко куыстмӕ бавнӕлдта ацы бонты, уый сфӕлдыстадон къордимӕ кусы Александр Володины пьесӕйыл.

"Спектакль ӕвӕрд цӕуы Хуссар Ирыстоны Адӕмон артист Хъӕцмӕзтӕ Фатимӕйы юбилеймӕ. Уый сценӕйӕн лӕггад кӕны ныр 40 азы, куыд актрисӕ ӕмӕ режиссёр. Йӕ юбилей ахӕм хуызы банысан кӕнын бафӕндыд йӕхи", - загъта Дзудцаты Тамерлан.

ПДТ-йы сфӕлдыстадон къухдариуӕггӕнӕг бафтыдта, хуынд специалист Цхинвалмӕ ӕрцыд ивгъуыд къуырийы кӕрон.

"Уый ӕрцыд йӕ нывгӕнӕг Сергей Дулесовимӕ. Базонгӕ коллективимӕ, байуӕрста фӕлгонцтӕ. Куыст срӕвдз ис",- бафтыдта уый.

16
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3