Бибылты Анатолий

Хуссар Иры экономикон стабилондзинад баст у финансисттыл Бибылты Анатолий

13
(ранӕуӕггонд 14:55 08.09.2021)
Хуссар Ирыстоны президент раарфӕ кодта республикӕйы финансон фадыджы кусджытӕ ӕмӕ ветерантӕн, кӕцытӕ абон нысан кӕнынц сӕ профессионалон бӕрӕгбон

ЦХИНВАЛ, 8 сен – Sputnik. Финансон фадыджы кусджытӕ хайад исынц иууыл актуалондӕр фарстытӕ скъуыддзаг кӕныны, кӕцытӕ баст сты Хуссар Ирыстоны ӕмбӕстӕгты хӕрзӕбонимӕ. Уый тыххӕй дзырдӕуы Бибылты Анатолийы арфӕйы финансисттӕн, кӕцытӕ абон нысан кӕнынц сӕ профессионалон бӕрӕгбон.

"Уӕ архӕйдтытыл баст сты мыздтӕ фидын, Республикӕ Хуссар Ирыстоны Паддзахадон бюджеты арӕзтад, организациты финансон уавӕр ӕмӕ нӕ Республикӕйы экономикон стабилондзинад", - дзырдӕуы президенты арфӕйы.

Бибылты Анатолий фидарӕй загъта, иумӕйаг архӕйдтытӕй паддзахады социалон-экономикон хӕслӕвӕрдтӕ кӕй аскъуыддзаг кӕндзысты.

Республикӕйы сӕргълӕууӕг загъта бузныг финансон фадыджы кусджытӕн профессимӕ иузӕрдыгдзинады тыххӕй ӕмӕ сын йӕ цӕст бауарзта фидар ӕнӕниздзинад, хӕрзӕбон ӕмӕ ӕнтыстытӕ куысты.

13
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3