Хуссар Иры театр

Хуссар Иры театр байгом кӕндзӕн ног сезон

41
(ранӕуӕггонд 14:59 09.09.2021)
Равдыстытӕ цӕудзысты хицауады архайгӕ барамындмӕ гӕсгӕ - залӕн йедзаг уыдзӕн ӕрмӕст йе 'мбис, ӕххӕст цӕудзысты эпидемиологон домӕнтӕ

ЦХИНВАЛ, 9 сен - Sputnik, Плиты Фатимӕ. Хуссар Ирыстоны паддзахадон драмон театр 17 сентябры бакӕндзӕн ног театралон сезон спектакль "Юлий Цезарь"-ӕй, фехъусын кодта Sputnik уагдоны аивадон къухдариуӕггӕнӕг Дзудцаты Тамерлан.

Равдыстытӕ цӕудзысты хицауады архайгӕ барамындмӕ гӕсгӕ - залӕн йедзаг уыдзӕн ӕрмӕст йе 'мбис, ӕххӕст цӕудзысты эпидемиологон домӕнтӕ.

"Объективон аххосӕгтӕм гӕсгӕ геноцидӕн нывонд спектакль ныффӕстиат ис. Коронавирусы тыххӕй куыстӕй фӕиппӕрд сты цалдӕр сфӕлдыстадон кусӕджы. Уымӕ гӕсгӕ сезон кӕнӕм спектакль "Юлий Цезарь"-ӕй", - загъта Дзудцаты Тамерлан.

Уый ма бафтыдта, ацы спектакль ногӕй кӕй сӕндидзын кодтой ацы уалдзӕджы.

"Спектакль ныр уыдзӕн театры репертуары. Сӕндидзыны фӕстӕ йӕ фыццаг равдыстой Мӕскуыйы", - бафтыдта уый.

Аивадон къухдариуӕггӕнӕг ма радзырдта, ног сезоны фыццаг дыууӕ мӕйы репертуар кӕй у бӕрӕг - ӕвдыст цӕудзысты "Къоста", "Дон Жуан", "Ды мӕ куы уарзай", "Сӕтти ӕмӕ Бӕтти" ӕмӕ цалдӕр аргъауы.  

Уагдоны ма бафтыдтой, спектакльтӕм билетты ӕргътӕ дӕр кӕй нӕ фӕивтой - раздӕрау сты 150-200 сомы, премьерон равдыстмӕ та -300 сомы.

41
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3