Хабаровскы ирон сæудæджерты хæдзары байгом ресторан

Хабаровскы ирон сæудæджерты хæдзары байгом ресторан

23
Архитектурæйы цыртдзæвæн сног кодта зындгонд реставратор æмæ меценат, Хæзнидоны хъæуæй рацæугæ Хидырты Валерий

ЦХИНВАЛ, 9 сен — Sputnik. Хабаровскы сæудæджертæ Таболты Семен æмæ Битарты Алыксандры историон хъæдын агъуысты байгом уыдзæн ног ресторан, хъусын кæны "15-æм регион".

Меценат 2005 азы балхæдта бæстыхай, цæрджыты æндæр бынæтты æрцæрын кодта æмæ реставрацимæ бавнæлдта. Реставраци ахаста фынддæс азы бæрц.

"Уый у Терчы губернийæ рацæуæг адæмы, зæгъæн ис, æмæ ме "мхъæуккæгты Таболты Семен æмæ Битарты Алыксандры хæдзар. Хæдзар уыд кæлæддзаг уавæры. Йæ бынаты аразынвæнд кодтой уазæгдзæрæн бирæуæладзыг агъуыст. Тых æмæ йæ амæлттæй бахъахъхъæдтон! Реставраци зынтæй цыди. Агъуыст уыд тынг æвзæр уавæры. Ацы хæдзарæн ис тынг хъæздыг истори. Таболты Семен æмæ Битарты Алыксандр куыстой Китайы æфсæнвæндагыл, Хабаровскмæ æрцыдысты, балхæдтой зæххы хай æмæ самадтой ацы хæдзар. Уым æрбынат кодтой уазæгдзæрæн "Гранд-отель" æмæ уæды Хабаровскы хуыздæр ресторан "Лондонъ" – цавд хауы фæстаг уæнгыл", – хъусын кæны Хидырты Валерийы ныхæстæ 15 регион.

Рахастæуыд уынаффæ Таболты Семен æмæ Битарты Алыксандры хæдзарæй йæ историон нысанмæ гæсгæ пайда кæныны тыххæй. Раздæрау дзы кусдзæн уырыссаг хæринæгты ресторан.

23
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

5
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

5