Лалыты Альберт

"Зарӕг - ныстуан": Хуссар Иры вокалист Лалыты Альберт рауагъта ног зарӕг "Ирон"

18
(ранӕуӕггонд 09:32 13.09.2021)
Ӕввахс рӕстӕджы хъавы саразын йӕ ног композицийы бындурыл клип цӕгатирыстойнаг специалисты ӕххуысӕй

ЦХИНВАЛ,  12 сен - Sputnik, Хъуылымбегты Зӕлинӕ. Патриотон зарӕг "Ирон" мадӕлон ӕвзагыл у се 'гъдӕуттӕ ӕххӕст кӕныны ӕмӕ сӕ зынгхуыст хъайтартӕн кад кӕнын ныстуан фӕсивӕдмӕ, радзырдта Sputnik зарӕггӕнӕг Лалыты Альберт.

Зарӕджы презентаци ацыд Хуссар Ирыстоны хӕдбардзинад Уӕрӕсейы рдыгӕй банымады боны цытӕн бӕрӕгбонон мадзӕлтты рӕстӕджы.

"Зарӕг у куывд Хуыцаумӕ ӕмӕ ныстуан фӕсивӕдмӕ, кӕцытӕ ма хъуамӕ рох кӕной нӕ кадджын фыдӕлтӕ ӕмӕ нӕ зынгхуыст хъайтарты. Ацы зарӕджы ма ӕз сидын, цӕмӕй ирон адӕм сӕ кӕрӕдзи ма дих кӕной къуыдайраг, чысайнаг ӕмӕ дыгуроныл",- загъта Лалыты Альберт.

Уый ма бафтыдта, ныридӕгӕн зарӕгмӕ байхъусӕн ис социалон хызӕгты, фӕстӕдӕр та йын бацӕттӕ кӕндзӕн клип.

"Клип ист цӕудзӕн Хуссар ӕмӕ Цӕгат Ирыстоны", - бафтыдта уый.

Зарӕггӕнӕг йӕ музыкалон карьерӕ райдыдта 10 азы размӕ зындгонд къорд "Звездный юг"-ы сконды.

18
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3