Автопортрет

Кокойты Василийы сæдæазмæ: Цхинвалы фыццаг хатт ацæудзæн скульпторы куыстыты равдыст

17
(ранӕуӕггонд 09:45 14.09.2021)
Хуссарирыстойнаг скульпторы сæдæ азы юбилеймæ йæ бинонты хъæппæрисæй ацæудзæн йæ куыстыты экспозици

ЦХИНВАЛ, 13 сен – Sputnik, Гæбæраты Элина. Хуссар Ирыстоны ацæудзæн хуызфыссæг æмæ скульптор Кокойты Василийы куыстыты равыст. Йæ чызг Кокойты Ирина куыд фехъусын кодта Sputnik, афтæмæй ахæм равдыст ацæудзæн фыццаг хатт.

Ӕнусон юбилейæн нывонд мадзал ацæудзæн 23 сентябры Национ музейы.

"90-æм æзты онг уый æдзух архайдта Хуссар Ир æмæ Гуырдзыстоны нывгæнджыты равдыстты. 1991 азы мæ фыд ахицæн йæ цардæй æмæ йæ æрмадзы цы скульптурæтæ уыдысты, уыдон рахастам мæнгагъуыстмæ, цы ран лæууыдысты бирæ æзты дæргъы. Йæ сæдæ азы юбилеймæ мæ хоимæ бафæндыд йæ равдыст саразын. Нæ фарсмæ балæууыд Национ музей", - банысан кодта Кокион.

Йæ ныхæстæм гæсгæ, экспонатты рестоврацийыл куыста нывгæнæг Багаты Феликс.

"Национ музейы уыд 11 бюсты, ноджы ма 14 та радтам мах. Уыдон сты СФХ хъайтартæ, музыканттæ æмæ нывгæнджытæ. Скульптурæтæй дарддæр ма дзы уыдзæн хуызфыссынады куыстытæ, фæлæ сты цъус", - бафтыдта уый.

Афиша выставки Василия Кокоева в Нацмузее Южной Осетии
Из личного архива И. Кокоевой
Хуссар Ирыстоны ацæудзæн хуызфыссæг æмæ скульптор Кокойты Василийы куыстыты равыст
17
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3